Elektron məhkəmə bu sistemi dəyişməyi yox, modenrləşməni hədəfə alır

 «Elektron məhkəmə» informasiya sisteminin tətbiqə başlamasını bu ilin sonu üçün gözləmək olar, deyə Turan agentliyinin analitikləri hesab edir. 

Bu, onunla bağlıdır ki, prezidentin 13 fevral tarixli sərəncamı ilə hökumətə 3 ay vaxt ayrılıb ki,  «Elektron məhkəmə» informasiya sisteminin fəaliyyətini təmin etmək üçün təkliflər hazırlayıb təqdim etsin və digər işləri görsün. Sonra qanunvericilik, normativ aktlara düzəlişlər üçün vaxt tələb olunur. 0

 «Elektron məhkəmə» informasiya sistemi məhkəmə araşdırmalarında şəffaflığı, vətəndaşların hüquq və azadlqılarını təmin etmək, müasir texnologiyaların tətbiqini sürətləndirmək üçün həyata keçirilir. 

«Elektron məhkəmə» dünyada geniş tətbiq edilir və Azərbaycan bu məsələdə Özbəkistanı qabaqlayır. Layihə Baltikyanı ölkələrdə çoxdan işləyir və Ukraynada aktiv mərhələdədir. 

Azərbaycanda layihənin kimin dəstəyi ilə keçirildiyini gizləyirlər. ASAN xidmət layihəsində də belə olmuşdu. BMT İnkişaf Proqramında etiraf etdilər ki, ASAN-ın təlim hissəsini bu təşkilat həyata keçirib. 

Məlumdur ki, bu layihə 2010-cu ilin oktyabrında DB-nın Azərbaycanla 2011-2014-cü illərdə əməkdaşlıq proqramı təsdiq ediləndən sonra həyata keçirilib. 

Onda Azərbaycan hökuməti strategiyanın həyata keçməsi üçün 1 mlrd istəmiş və o, təmin edilmişdi. 

Strategiya çərçivəsində layihələrə BMK, AYİB, Avropa İttifaqı qoşulmuşdu. 

«Elektron məhkəmə» informasiya sisteminə gəlincə, başqa ölkələrin təcrübəsi göstərir ki, məhkəmə işçiləri üçün şərait yaratmalı, insanlar üçün ədalət məhkəməsinə çıxışı asanlaşdırmalıdır. 

Onun rahatlığı ondan ibarətdir ki, səndələrə maddi xərclər azalır. Məhkəmələr sənədləri elektron formada və SMS-lə göndərə biləcək. 

Elektron şəkildə sənəd göndərilməsi proses iştirakçısına imkan verir ki, bir saat sonra imzalanmış sənəd alsın. «Elektron məhkəmə» informasiya sisteminin yaradılması tam başa çatanda sənədlər kağız dublikatı olmadan göndəriləcək. 

Layihə dövlət büdcəsindən yazışmalara xərcləri azaldacaq. 

Sistem indiki prosedurları tam əvəz etməyəcək, amma asanlaşdıracaq. 

Layihə hər bir məhkəmənin videokonfrans sistemi ilə təchiz edilməsini nəzərdə tutur, proses iştirakçıları iclaslarda məsafədən iştirak edə biləcək. Bu, iki tərəfin razılığı ilə olacaq. Məhkəmə salonuna gələnlərə mane olunmayacaq. 

Birinci mərhələdə paralel olaraq kağız və elektron sənədləşmə olacaq. 

Layihə məhkəmə sistemində dəyişikliyi nəzərdə tutmur. O, daha modern olacaq. Ekspertlərə görə, elektron yazı şəffaflığı və verilən qərarlara görə məsuliyyəti xeyli artıracaq, çünki yazılar sübut bazası kimi qalacaq.—0—