Avtobuslar piyadaları vurmaq üzrə ixtisaslaşır
Bu gün marşrut avtobusu piyadanı vurub. Səbayel Rayon Polis İdarəsindən Turan-a bildirilib ki, Fərid Qarayev (Səməd Vurğun bağı – “Sədərək” Ticarət Mərkəzi marşrutu ilə hərəkət edən 120 saylı avtobusun sürücüsü) paytaxt sakini Oleq Viktoroviç Stolyarovu (1969-cu il) vurub.
Faciə Səbayel rayonu Nemətzadə küçəsi, 25 saylı evin qarşısında baş verib. 24 yaşlı sürücü avtomobili idarə edə bilməyib. Sınıq xəsarətləri alan piyada Tibbi Kliniki Mərkəzə çatdırılsa da vəfat edib.
Baş Dövlət Yol Polisi İdarəsinin məlumatına görə, 2013-cü ildə 2 min 846 yol qəzası nəticəsində 1 min 164 nəfər həlak olub, 2 min 948 nəfər yaralanıb. Bu, ümumi məlumatdır. Sonuncu dəfə avtomüfəttişlik 2012-ci ilin 1-ci yarısı üzrə baş vermiş qəzaları bölgü üzrə göstərib (avtomobili sərxoş vəziyyətdə idarə etmə, sürəti artırma, ötüb keçmə qaydalarının pozulması, sərnişin daşıma qaydalarının pozulması, avtomobili sənədsiz idarə etmə, polisə müqavimət göstərmə və s.).
Turan-ın KİV-in informasiyası əsasında yaydığı xəbərə görə, 2013-cü ildə ictimai nəqliyyat 256 piyadanı vurub. Bunun 42-i həlak olub. Qəzaların yarıdan çoxu avtomobillərin nasazlığı və sənədsiz idarə olunması səbəbindən baş verir.
1988-ci ildən 2013-cü ilədək Azərbaycanın avtomobil yollarında 66 min 987 yol-nəqliyyat qəzası baş verib, nəticədə 23 min 413 nəfər həlak olub, 74 min 781 nəfər yaralanıb. Ən çox itki 1991-ci ildə qeydə alınıb (3 min 336 qəza, 1 min 281 ölən). Ən aşağı göstərici 1999-cu ildə qeydə alınıb (1996 qəza, 554 ölən). --17D—
-
- Cəmiyyət
- 14 Fevral 2014 12:44
-
- İqtisadiyyat
- 14 Fevral 2014 13:57
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz