Fevralın 13-də Bakıda baş vermiş partlayışlarla bağlı cinayət işləri qaldırılıb. Bu barədə Baş Prokurorluğun mətbuat xidmətindən bildirilib.
“Azadlıq prospekti” metro stansiyasının yaxınlığında tikilən obyektdə baş vermiş partlayış zamanı 4 nəfər xəsarət alıb. CM-in 314-cü maddəsi (səhlənkarlıq) ilə cinayət işi qaldırılıb.
Qeyd edək ki, ilkin olaraq partlayışın az sızması nəticəsində baş verdiyi bildirilmişdi. Lakin bu məlumat nə FHN, nə də prokurorluq tərəfindən rəsmən təsdiqlənməyib.
LUKoyl şirkətinə məxsus yanacaqdoldurma məntəqəsində baş vermiş partlayış zamanı iki nəfər həlak olub, bir nəfər yaralanıb. CM-in 162.2 –ci maddəsi üzrə (əməyin mühafizəsi qaydalarının pozulması) cinayət işi qaldırılıb.
Fevralın 13-də Biləsuvarda da partlayış baş verib. Yanacaq sisterni qoşulmuş KAMaz-da qaynaq işləri aparılarkən partlayış baş verib. Nəticədə bir nəfər həlak olub, bir nəfər yaralanıb. İstintaq gedir. —06D—
Cəmiyyət
-
Yanvarın 14-də saat 12:30-da Dövlət Sərhəd Xidmətinin Sərhəd Qoşunları Komandanlığının "Horadiz" sərhəd dəstəsinin xidməti ərazisində ümumi çəkisi 37 kiloqram 396 qram narkotik vasitənin - marixuananın qaçaqmalçılıq yolu ilə İran İslam Respublikası ərazisindən Azərbaycan Respublikasına keçirilməsinin qarşısı alınıb.
-
Yanvarın 22-də paytaxtda hava tutqun olacaq. Axşama doğru bəzi yerlərdə yağış yağacağı ehtimalı var. Səhər və axşam duman olacaq. Cənub-şərq küləyi əsəcək. Havanın temperaturu gecə 3-5 dərəcə, gündüz 8-10 dərəcə, nisbi rütubət 70-80% təşkil edəcək.
-
İmişlidə 2 uşağın ölümü ilə nəticələnən yol qəzasına səbəb olmaqda təqsirləndirilən 17 yaşlı oğlan həbs edilib.
-
"ToplumTV işi" adlandırılan cinayət işi üzrə təqsirləndirilən şəxslərin ittihamının ağırlaşdırıldığı, istintaqın artıq yekunlaşmaq üzrə olduğu bildirilir. Həmin cinayət işinə "Toplum" İnternet Televiziyasının, Demokratik Təşəbbüslər İnstitutunun, habelə III Respublika Platforması təşəbbüsünün bəzi əməkdaş və təmsilçilərinin həbsi daxildir. Müdafiə tərəfinin məlumatina görə, onlara Cinayət Məcəlləsinin 162-1.1 (Əmək müqaviləsi olmadan işçilərin cəlb edilməsi), 192.3.2 ( küllü miqdarda gəlir əldə etməklə qanunsuz sahibkarlıq), 193-1.3.1 (Cinayət yolu ilə əldə edilmiş əmlakı leqallaşdırma), 193-1.3.2 (...xeyli miqdarda), 206.4 (mütəşəkkil dəstənin qaçaqmalçılığı) və 213.2.1 (Vergiləri,... ödəməkdən yayınma ) maddələri ilə yeni ittihamlar irəli sürülüb. Əvvəl "ToplumTV işi" üzrə həbs olunanlar 206.3.2-ci (qaçaqmalçılıq – qabaqcadan əlbir olan bir qrup şəxs tərəfindən törədildikdə) maddələri ilə təqsirləndirilirdi. Əvvəlki ittihamlarla şəxslərə 8 ilədək həbs verilə bilərdisə, indi cəza müddəti 12 ilə çata bilər.
Rəy yaz