Vladislav Kanevsky
Bakı/25.02.22/Turan: Artıq ikinci gündür ki, Rusiya qoşunları Ukraynaya qarşı müharibə aparır, mülki və hərbi obyektlərə raket zərbələri endirir. Kiyev uğrunda şiddətli döyüşlər gedir, şəhər 44 günlük müharibə zamanı Gəncə kimi raket atəşinə tutulur. Bu barədə cümə günü Ukraynanın Azərbaycandakı səfiri Vladislav Kanevski mətbuat konfransında bildirib. O, Ukrayna ilə həmrəyliyinə görə Azərbaycan xalqına təşəkkür edib
"Dünən və bu gün Azərbaycan vətəndaşlarından çoxsaylı zənglər və müraciətlər daxil olur, onlar həmrəyliklərini ifadə edirlər. Ölənlərin xatirəsini yad etmək üçün səfirliyin binasına gül dəstələri gətirirlər. Bu dəstəyə görə Azərbaycan xalqına təşəkkürümü bildirirəm ", -səfir deyib.
Diplomat Azərbaycan hakimiyyətinin rəsmi reaksiyasını gözlədiyini deyib. Eyni zamanda o qeyd edib ki, ATƏT-in iclasında Azərbaycanın rəsmi şəxsləri öz mövqelərini bildiriblər. "Ukraynanın strateji tərəfdaşı kimi Azərbaycan hər zaman bizi dəstəkləyib", - səfir vurğulayıb.
Ukraynada Azərbaycan vətəndaşlarıyla bağlı vəziyyətə toxunan Kanevski bildirib ki, ölkədən getmək istəyənlər bunu quru yolu ilə edə bilər, çünki hava məkanı bağlanıb.-16D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz