Bakı/28.01.19/Turan: Bazar ertəsi prezident İlham Əliyev şəhid ailələrinin nümayəndələrindən ibarət qrupu qəbul edib. İştirakçılardan birinin Turan-a verdiyi məlumata görə, görüşdə şəhid ailələrinə doğmalarının döyüş əməliyyatlarında həlak olması ilə əlaqədar birdəfəlik təzminat haqqında yeni fərmanı elan edilib. Fərmana əsasən, 11 min manatlıq təzminat əvvəllər yardım alan ailələrə, həmçinin Qarabağ müharibəsində həlak olmuş polislərin ailələrinə də ödəniləcək.
Xatırladaq ki, yazda dövlət başçısı şəhid ailələrinə 11 min manat təzminat ödənilməsi haqqında sərəncam imzalayıb.
Amma 100-ə yaxın ailənin nümayəndələri əvvəllər təzminat almadıqları üçün oktyabrdan etibarən təzminatlarının ödənilməsi tələbi ilə hər həftə aksiya keçiriblər.
1990-cı illərdə həlak olan hərbi qulluqçuların ailələrinin bir hissəsi cüzi miqdarda təzminat alıb. Həlak olan polislərin ailələri də təzminat almayıblar.
Prezidentin yeni fərmanı haqqında hələlik rəsmi məlumat yoxdur. -05D06-
Siyasət
-
Noyabrın 7-də Bakının Xətai Rayon Məhkəməsində Abzas Media nəşrinin direktoru Ülvi Həsənlinin ev dustaqlığına keçirilməsi haqqında vəsatətə baxılıb. Dinləmələr iş günündən sonra, saat 19.15-də keçirilib, bu barədə vəkil Zibeydə Sadıqova bildirib. Bu, Həsənlinin prosesdə onlayn iştirak etməkdən imtina etməsi və prosesdə iştirak etməkdə israr etməsi səbəbindən baş verib.
-
III Respublika Platforması (ResPlatforma) Bakıda keçiriləcək COP29 tədbiri ilə əlaqədar bəyanat verib. ResPlatforma qeyd edir ki, Azərbaycan siyasi səhnəsində yaşıl gündəliyi olan ilk və yeganə siyasi təşkilatdır. Bununla yanaşı, ResPlatforma insan hüquqlarına dair beynəlxalq hüquqi öhdəliklərə, o cümlədən Paris Razılaşmasına istinad edərək iqlim dəyişikliyi və insan hüquqları mövzularının vəhdət təşkil etdiyini və bu baxımdan iqlim dəyişikliyinin zərərinin azaldılması siyasəti çərçivəsində insan hüquqları öhdəliklərinə riayət edilməsinin labüd olduğunu ifadə edir.
-
Cümə axşamı Birləşmiş Ştatlar bildirib ki, Co Baydenin prezidentlik müddətinin sonuna qədər Ukraynaya tələsik milyard dollarlıq yardım ayırmağı planlaşdırır, bu barədə Turan-ın Vaşinqtondakı müxbiri bildirib.
-
Noyabrın 7-də Bakının Xətai Rayon Məhkəməsi Meclis.info saytının təsisçisi İmran Əliyevin ev dustaqlığına keçirilməsi haqqında vəsatəti təmin etməyib.
Rəy yaz