Sensasiya yoxdur: 4 mlrd. ton Azərbaycan nefti və 6 trln. kub Azərbaycan qazı təsdiq edilməmiş məlumatdır
Bakı/18.09.19/Turan: Azərbaycanda təsdiq edilmiş neft ehtiyatları 1,45 mlrd. ton təşkil edir. Daha 2 mlrd. ton kondensat neft proqnozlaaşdırılan, hələ sübut edilməmiş ehtiyatlardır. Bu barədə Turan agentliyinə SOCAR-ın birinci vitse-prezidenti Xoşbəxt Yusifzadə ölkədə 4 mlrd. ton neft olması barədə bugünki bəyanatını şərh edərkən bildirib.
"3,5 mlrd. elə təxminən 4 mlrd.-dır", deyə SOCAR prezidentinin birinci müavini bildirib.
Qaza gəlincə, ölkənin sübut edilmiş ehtiyatları 2,6 trln. kubmetr təşkil edir, 3,3 trln. da proqnozlaşdırılan ehtiyatlardır, deyə o qeyd edib.
Xatırladaq ki, sentyabrın 18-də rəsmi KİV-lər Yusifzadəyə istinadla Azərbaycanda sübut edilmiş 4 mlrd. ton neft və 6 trln. kub. qaz olduğu barədə məlumat yayıblar. O, bu barədə hakim Yeni Azərbaycan Partiyasının ofisində energetika problemlərinə həsr olunmuş konfransda çıxış edərkən bildirib.
Sensasiya doğuran bu məlumat ekspertlərin təəccübünə səbəb olub, onlar Yusifzadənin sözlərini təkzib ediblər, onun fantaziyalarını yaşlı olması ilə əlaqələndiriblər.
Maraqlıdır ki, rəsmi KİV dərc olunan məlumatları yenidən yoxlamaq və ya dəqiqləşdirmək zəhmətinə qatlanmayıblar. -03D06-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz