Sergey Lavrov: «Qarabağ nizamlanması üzrə bütün komponentlər masa üzərindədir»

Rusiya ATƏT-in Minsk Qrupunun həmsədri kimi münaqişənin nizamlanmasına nail olmaq üçün öz təşəbbüslərini davam etdirəcək. Bu gün RF XİN rəhbəri Sergey Lavrov Azərbaycan, İran, Rusiya XİN rəhbərlərinin üçtərəfli görüşündən sonra bildirib.

Əldə olunan razılaşmaya əməl olunmasının zəruriliyini qeyd edən Lavrov siyasi razılaşmaya nail olunması prosesinin sürətləndirilməsinin vacibliyini qeyd edib.

Onun sözlərinə görə, “demək olar ki, razılaşmanın bütün komponentləri masanın üzərindədir”. Məsələ onların necə qoyuluşunda deyil, hansısa  formulların açıqlanmasındadır”, - nazir vurğulayıb.

Bakı görüşündən sonra o, sabah Ermənistanın xarici işlər naziri Edvard Nalbandyanla görüşəcək.

“Sözsüz ki, münaqişənin tezliklə nizamlanmasında biz bir çox xarici tərəfdaşlarımızdan daha çox maraqlıyıq”, - nazir qeyd edib.

Onun fikrincə, danışıqlar prosesilə paralel olaraq inam tədbirləri görülməlidir ki, “bu cür zorakılıq” hallarına yol verilməsin.

“Düşünürük ki, indiki vəziyyət bizim hamımızdan əvvəllər mövcud olan razılaşmalara  fəal surətdə baxılmasını, təmas xəttində inam tədbirlərinin hazırlanmasını tələb edir. Lakin onu da demək  istəyirəm ki,  münaqişə zonasında inamın möhkəmləndirilməsi o demək deyil ki, biz Dağlıq Qarabağ münaqişəsinin hərtərəfli siyasi nizamlanması yolunun tapılmasının vacibliyi ilə bağlı səylərimizi azaltmalıyıq”, - Lavrov vurğulayıb. –06D--