Sergey Lavrov Yerevana Qarabağ nizamlanmasına dair ideyalarla gedir (YENİLƏNİB)

RF XİN rəhbəri Sergey Lavrov aprelin 21-22-də Yerevana səfəri zamanı Dağlıq Qarabağ münaqişəsinin nizamlanması ilə bağlı müəyyən ideyalar irəli sürəcək. Bunu RF XİN rəsmi nümayəndəsi Mariya Zaxarova bildirib.

“Sergey Lavrov heç zaman heç yerə boş əl ilə getmir”, - o, brifinqdə RF XİN rəhbərinin Yerevana Dağlıq Qarabağ münaqişəsinin nizamlanmasına dair planla getməsi barədə KİV-də yayılan məlumatların şərh edilməsilə bağlı xahişə cavab olaraq bildirib.

“Bunun plan, proqram, layihə, sənəd olduğunu söyləmək düzgün olmazdı. Söhbət müəyyən işləmlərdən, nizamlanma məcrasında müxtəlif  ideyaların müzakirəsindən gedir. Vasitəçilik rolu da bundan ibarətdir. Bizim vasitəçi rolumuz tərəflərlə imkanları müzakirə etmək, onların problemlərini dinləmək, nəticə ilə bağlı variantlar təklif etmək üçündür”, - RİA agentliyi M.Zaxarovadan sitat gətirib.—06D-

2016 Aprel 21 (Cümə axşamı) 16:33:19

Rusiya əmindir ki, Qarabağ münaqişəsi tərəfləri təmkinlik nümayiş etdirərək danışıqlar prosesini canlandırmalıdır. Bu barədə RF XİN rəsmi nümayəndəsi Mariya Zaxarova deyib.

“Hazırda təmkinlik nümayiş etdirmək, işi sabitliyin bərpasına doğru aparmaq tələb olunur. Tərəflər danışıqlar prosesini bərpa etməlidir və bu, davamlı dinc nizamlanmaya nail olunmasına yönəlməlidir”, - o, cümə axşamı brifinqdə bildirib. RİA-Novosti məlumat yayıb.

M.Zaxarovanın sözlərinə görə, tərəflər hərbi risklərin azaldılması üzrə işləri canlandırmalıdır. O bildirib ki, Rusiya vasitəçi kimi tərəflərə lazımi yardımı göstərməyə hazırdır.—06D-