Sərhəd məntəqələrinin təkmilləşdirilməsi layihəsinə start verilib

Bu gün BMT İnkişaf Proqramının (BMTİP) Azərbaycan Nümayəndəliyi və Azərbaycan Dövlət Gömrük Komitəsinin birgə layihəsinə start verilib. Layihənin məqsədi Azərbaycan və Gürcüstan arasındakı sərhəd-keçid məntəqələrinin inkişaf etdirilməsini dəstəkləməkdir.

Layihənin ümumi büdcəsi təqribən 2 660 000 milyon euro təşkil edir. Avropa Birliyi tərəfindən maliyyələşdirilən bu layihənin əsasən Qırmızı Körpü sərhəd keçid məntəqəsində həyata keçiriləcəyi nəzərdə tutulur. .

Açılış mərasiminə Azərbaycan və Gürcüstanın gömrük xidmətlərinin, eləcə də Avropa Birliyi Nümayəndəliyi, diplomatik korpus və BMTİP-nin hər iki ölkə ofisinin ümayəndələri qatılıblar.

Gömrük Komitəsinin sədri Aydın Əliyev layihənin Azərbaycanın iqtisadi səmərəliliyi, rəqabət və bilik əsaslı inkişafı üçün əhəmiyyətli olduğunu deyib. BMTİP-in Rezident Nümayəndəsi Qulam Isakzai əməkdaşlıqdan məmnunluq ifadə edib. Layihənin BMT-nin Dayanıqlı İnkişaf Məqsədləri ilə uyğunluğu yüksək qiymətləndirilib.

 “Azərbaycan və Gürcüstan arasında Qırmızı Körpü sərhəd keçid məntəqəsinin təkmilləşdirilməsinə dəstək” layihəsinin ümumi məqsədi hədəf ölkələr və Aİ Üzv Dövlətlər arasında ikitərəfli və çoxtərəfli əməkdaşlığın genişləndirilməsi vasitəsilə sərhədlərin təhlükəsizliyini təmin etməkdir. Eyni zamanda, layihədə Azərbaycan və Gürcüstan arasında malların keçidinin sürətləndirməsi əsas prioritetlərdən olacaqdır. Layihənin əsas diqqət mərkəzində  hər iki ölkə üçün əhəmiyyətli olan sanitar və fito-sanitar tədbirlər yer tutacaqdır.-05D