Respublikaçı Alternativ (ReAl) hərəkatının lideri İlqar Məmmədov Ağdaş 90-cı seçki dairəsi üzrə Milli Məclisə təkrar seçkilərdə iştirak edə bilməyəcək. Bu barədə Turan-a MSK-nın ictimaiyyətlə əlaqələr şöbəsinin müdiri Şahin Əsədli bildirib. Onun sözlərinə görə, bu, Şəki Apellyasiya Məhkəməsinin Məmmədovun işi üzrə 29 aprel tarixli qərarı ilə bağlıdır.
Məhkəmə qərarına əsasən, Məmmədov barəsində ittiham hökmü qanuni qüvvəyə minib və Seçki Məcəlləsinin 13.3.1-ci maddəsinə əsasən, Məmmədov seçilmək hüququnu itirib və seçkilərdə deputatlığa namizəd kimi iştirak edə bilməz.
Belə olan halda dairə seçki komissiyasının niyə Məmmədovun nümayəndələrinə imza vərəqələri verməsi haqqında suala Əsədli belə cavab verib: “İlqar Məmmədovun müraciəti DSK-ya aprelin 25-də daxil olub və həmin vaxt onun barəsində qanuni qüvvəyə minmiş hökm yox idi”.
İcraçı katib Natiq Cəfəri MSK nümayəndəsinin bəyanatını Turan-a şərh edərkən bildirib ki, bu, yalnız formal olaraq doğru ola bilər.
İlqar Məmmədovun işi üzrə Avropa İnsan Hüquqları Məhkəməsinin qərarı, AŞ Nazirlər Komitəsinin 3 qərarı da var. Bu qərarlarda qeyd edilir ki, Məmmədov siyasi fəaliyyətinə görə həbs edilib və o, azad edilməlidir, deyə Cəfərli bildirib.
Onun sözlərinə görə, Məmmədovun xeyrinə imzatoplama kampaniyası MSK-nın ReAl liderinin seçkilərdə iştiraka buraxılaması haqqında rəsmi qərarı təqdim edildiyi zaman dayandırılacaq.
* Məmmədov 2013-cü ilin yanvarında İsmayıllı şəhərində iğtişaşları təşkil etmək ittihamı ilə 7 il müddətinə azadlıqdan məhrum edilib. “Amnesty İnterational” Məmmədovu “vicdan məhbusu” kimi tanıyıb, onun dərhal azad edilməsini tələb edib.
90-cı seçki dairəsində təkrar seçkilər noyabrda keçirimiş seçkilərdə səsvermə nəticələrinin ləğv edilməsi ilə əlaqədar keçirilir. -06C-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz