"Sərhədsiz reportyorlar" Azərbaycanda jurnalistlərə qarşı repressiya dalğasını dayandırmağa çağırır
"Sərhədsiz reportyorlar" Azərbaycanda jurnalistlərə qarşı repressiya dalğasını dayandırmağa çağırır
Bakı/05.12.23/Turan: Son iki həftədə Azərbaycanda altı jurnalist həbs olunub və bu amansız repressiv maşın dayandırılmalıdır. Bu barədə "Sərhədsiz reportyorlar" beynəlxalq mətbuatı müdafiə təşkilatının məlumatında deyilir.
"Kanal 13"-ün aparıcısı Rüfət Muradlı polisə "tabe olmamağa" görə 30 sutka həbs edilib. Bundan öncə kanalın direktoru və “Abzas Media”nın dörd əməkdaşı həbs edilib. Bütün bunlar son iki həftədə baş verib.
Nəhayət, iki müstəqil jurnalist – Aytac Məmmədli və Şəhla Kərim dekabrın 2-də Lənkəran şəhərində bazarda reportaj hazırlanarkən saxlanılıblar. Dekabrın 4-də Lənkəranda yoldan keçənlər arasında sorğu apararkən ikinci dəfə saxlanılıblar. Polis onları casusluqda ittiham edərək dindirib, kameralarındakı görüntüləri silib.
«Biz Azərbaycan hakimiyyətinin məqsədini təsdiq edən əsl ovun şahidiyik: korrupsiyalaşmış siyasi elitanın hərəkətlərini ortaya qoyan bütün müstəqil səsləri aradan qaldırmaq. Özbaşına həbslər, zorakılıq, sübutların saxtalaşdırılması. Biz bu repressiv dalğanı pisləyirik, Avropa Şurasını rejimə öz öhdəliklərini xatırlatmağa və bütün jurnalistlərin azad olunmasına çağırırıq", - məlumatda deyilir.-0-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz