Qarabağda olan Ermənistan prezidenti Serj Sarkisyan Azərbaycanın ünvanına hədələr yağdırıb.
Ağdam rayonu ərazisində keçirilən təlimlərdə iştirak edən hərbiçilər qarşısında çıxış edən Sarkisyan bu təlimləri ən böyük və geniş miqyaslı təlim adlandırıb.
O, Azərbaycan tərəfi “çətin vəziyyətdə qalan və təhlükə mənbəyi olmayan” helikopteri məhv etməkdə ittiham edib.
“Hər şey yadımızdadır və qarşılığını verəcəyimiz gün gələcək”, deyə o hədələyib.
Daha sonra o bildirib ki, müharibə olmayacaq, çünki Azərbaycan Ermənistan tərəfi məğlub edə bilməyəcəyini bilir. Amma müharibə başlasa, Azərbaycan buna peşman olacaq.
Ermənistan mənbələrinə görə, son bir həftə ərzində Azərbaycanın 1993-cü ildə ermənilər tərəfindən işğal edilmiş Ağdam rayonu ərazisində keçirilən hərbi təlimlərdə bütün qoşun növlərini təmsil edən 40-50 min nəfər iştirak edib.
Noyabrın 12-də vurulmiş Mİ-24 döyüş helikopteri bu təlimlərin iştirakçısı idi. -02D-
Siyasət
-
Litva Prezidenti Gitanas Nauseda, dekabrın 30-da, bir neçə insanın həyatını itirməsi ilə nəticələnən faciəvi təyyarə qəzası ilə bağlı Azərbaycan Prezidenti İlham Əliyevə başsağlığı verib. Telefon zəngində Nauseda, İlham Əliyevə və Azərbaycan xalqına dərin hüznlə başsağlığı verərək, yaralananların tezliklə sağalmasını arzuladığını və bu çətin dövrdə xalqımızla həmrəyliyini ifadə edib.
-
Rusiya İstintaq Komitəsinin sədri Aleksandr Bastrıkinlə Azərbaycanın baş prokuroru Kamran Əliyev arasında telefon danışığı olub. İstintaq Komitəsinin yaydığı məlumatda deyilir ki, tərəflər “Azərbaycan Hava Yolları”nin təyyarəsinin qəzaya uğramasının səbəblərinin araşdırılmasını müzakirə ediblər.
-
Qroznı aeroportunun dispetçeri dekabrın 29-da AZAL-ın təyyarəsinin raketlə vurulmasından sonra uçuşları qadağan edən “Kover” planının tətbiq olunduğunu təsdiqləyib.
-
Azərbaycan xarici işlər nazirinin müavini Yalçın Rəfiyev dekabrın 29-da Suriyaya səfəri çərçivəsində Dəməşqdə bu ərəb ölkəsinin müvəqqəti hökumətinin Xarici İşlər Nazirliyinin rəhbəri Əsəd Həsən Əl-Şibani ilə görüşüb.
Rəy yaz