Səttar Möhbalıyev Azərbaycan Həmkarlar İttifaqının sədri vəzifəsindən istefa verib
Azərbaycan Həmkarlar İttifaqının avqustun 26-da keçirilən VII Qurultayında Səttar Möhbalıyev bu təşkilatın sədri vəzifəsindən istefa verib.
İstefa Möhbalıyevin Milli Məclisə sentyabrın 1-də keçiriləcək növbədənkənar seçkilərdə deputatlığa namizəd kimi iştirakı ilə əlaqədar "vaxtının az olması" ilə izah olunub.
Maraqlıdır ki, 1993-cü ildən AHM sədri vəzifəsində çalışan Möhbalıyevin indiyədək bu vəzifədə qala-qala 2-6-cı çağırış Milli Məclisə seçkilərdə namizədliyini irəli sürməyə və deputat olmağa vaxtı çatırdı.
Möhbalıyevin yerinə "yekdilliklə" 46 yaşlı Sahib Əli oğlu Məmmədov seçilib.
O, Kiyev Dövlət Universitetinin beynəlxalq hüquq fakultəsinin məzunudur.
2014-cü ildən Məmmədov Iqtisadiyyat Nazirliyində çalışıb, 2021-ci ildən isə burada nazir müavini vəzifəsində işləyib.
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz