![BQXK əməkdaşları Qarabağ separatçılarına baş çəkiblər](https://turan.az/resized/news/2024/iS0mOgylS473Ikzm7ktTywaAfIx8XnhBAVewh5cY-750-500-resize.webp)
BQXK əməkdaşları Qarabağ separatçılarına baş çəkiblər
BQXK əməkdaşları Qarabağ separatçılarına baş çəkiblər
Avqustun sonlarında Beynəlxalq Qızıl Xaç Komitəsinin (BQXK) əməkdaşları Azərbaycan tərəfinin haqqında məlumat verdiyi erməni əsilli şəxslərə yenidən baş çəkiblər.
Bu barədə Turan-ın sorğusuna cavab olaraq BQXK-nın Azərbaycan nümayəndəliyinin ictimaiyyətlə əlaqələr şöbəsinin rəhbəri İlahə Hüseynova məlumat verib.
Bildirilir ki, saxlanılan şəxslərlə təkbətək görüşlər keçirilib və onların ailələri ilə əlaqəsi üçün şərait yaradılıb.
"Mandatına uyğun olaraq, BQXK bu cür başçəkmələr zamanı saxlanılan şəxslərlə rəftarı və saxlanma şəraitini qiymətləndirir. BQXK həmçinin şəxslərin ailələri ilə əlaqələrini bərpa etmək və ya davam etdirmək üçün şərait yaradır. BQXK-nın prosedurlarına uyğun olaraq, başçəkmələrlə bağlı müşahidələr və tövsiyələr yalnız saxlayan tərəflə paylaşılır və müzakirə edilir", deyə məlumatda qeyd olunub.
BQXK baş çəkdikləri şəxslərin adlarını açıqlamır.
Xatırladaq ki, Qarabağda 19-20 sentyabr antiterror əməliyyatından sonra Azərbaycanın hüquq-mühafizə orqanları Qarabağdakı keçmiş qondarma qurumun "prezidentləri" olmuş Arkadi Qukasyan, Bako Saakyan, Arayik Arutyunyan, sabiq "xarici işlər naziri" David Babayan, eləcə də "parlament sədri" David İşxanyan, generallar Lyova Mnatsakanyan, David Manukyan və keçmiş "dövlət naziri" Ruben Vardanyanı saxlayaraq Bakıya gətiriblər.
Onlara qarşı təcavüzkar müharibə başlatma, sülh və insanlığa qarşı yönəlmiş əməllər törətmə, humanitar hüququ pozma, terrorçuluq, muzdlu döyüşçülər cəlb etmə, silahlı dəstələr yaratma, cinayət əmrləri vermə və digər cinayətlərdə ittihamlar irəli sürülüb.
-
- Maliyyə
- 26 Avqust 2024 13:10
Siyasət
-
Azərbaycan XİN başçısı Ceyhun Bayramov avqustun 27-də Türkiyəyə səfər edəcək.
-
İstintaq Təcridxanasında saxlanılan Toplum TV internet televiziyasının təsisçisi Ələsgər Məmmədliyə cərrahi əməliyyat lazımdır. Bu barədə Turan-a onun qardaşı Nəsimi Məmmədli avqustun 26-da onunla telefon danışığından sonra bildirib.
-
AŞPA-da Almaniya nümayəndə heyətinin sədri Frank Şvabe rəsmi Bakının bu qurumun Azərbaycan nümayəndə heyətinin səlahiyyətlərinin məhdudlaşdırılmasının lehinə səs verən üzvlərinin ölkəyə girişinin qadağan edilməsi haqqında qərarını tənqid edib.
-
Azərbaycan Həmkarlar İttifaqının avqustun 26-da keçirilən VII Qurultayında Səttar Möhbalıyev bu təşkilatın sədri vəzifəsindən istefa verib.
Rəy yaz