Açiq mənbələrdən foto.
Səudiyyə Ərəbistanı Azərbaycanda həyata keçirilən enerji meqalayihələrində iştirak etmək istəyir
Bakı/19.12.22/Turan: Azərbaycanda səfərdə olan Səudiyyə Ərəbistanının investisiya naziri Xalid bin Əbdüləziz Əl-Falih ötən gün Cəbrayıl və Ağdam rayonlarına səfər edib. O, bu ərazilərə sərmayə yatırmaq imkanı ilə işğaldan azad edilmiş bu ərazilərin bərpasının gedişatı ilə tanış olub.
Dövlət başçısı İlham Əliyevlə görüşdə Səudiyyə Ərəbistanının naziri ölkəsinin Azərbaycanın enerji sisteminə böyük sərmayə yatırmağa və işğaldan azad edilmiş ərazilərin bərpasında iştirak etməyə hazır olduğunu bildirib.
Rəsmi Bakı Qarabağ münaqişəsinə görə Ermənistanla diplomatik əlaqələr qurmayan Səudiyyə Ərəbistanının mövqeyini yüksək qiymətləndirir.
Bu görüşdən sonra Azərbaycan və Səudiyyə Ərəbistanı arasında elektrik enerjisinin Avropaya ixracına dair iki saziş imzalanıb.
Dekabrın 19-da Azərbaycan və Səudiyyə Ərəbistanı arasında əməkdaşlıq üzrə Birgə Komissiyanın iclasında çıxış edən nazir bildirib ki, Səudiyyə Ərəbistanının ACWA Power şirkəti artıq Azərbaycanda 240 meqavatlıq enerji layihəsi həyata keçirir.
"Lakin biz istərdik ki, daha böyük enerji layihələri həyata keçirək və bir neçə gün əvvəl Azərbaycanın Avropaya elektrik enerjisinin ixracı ilə bağlı imzaladığı sazişə qoşulaq", deyə nazir deyib.
Beləliklə, ACWA Power külək elektrik stansiyasının tikintisinə 300 milyon dollar sərmayə qoyacaq, lakin Səudiyyə Ərəbistanı Azərbaycanda daha güclü elektrik stansiyaları layihələrini həyata keçirə bilər, deyə Əl-Falih hökumətlərarası komissiyanın iclasında bildirib.
O cümlədən, səudiyyəlilər Azərbaycanda 500 MVt gücündə dəniz külək stansiyalarının tikintisinə maraq göstərirlər. 02D
Siyasət
-
Cümə axşamı Birləşmiş Ştatlar sülh sazişi üzrə danışıqları irəli sürmək üçün mayın 10-da Almatıda Azərbaycan və Ermənistan xarici işlər nazirlərini qəbul etmək təklifini alqışlayıb.
-
Mayın 9-da Bakının Xətai Rayon Məhkəməsində “Abzas Media”nın direktoru Ülvi Həsənli, bu nəşrin baş redaktoru Sevinc Vaqifqızı və onlayn Meclis.info platformasının rəhbəri İmran Əliyevin ev dustaqlığına buraxılması barədə vəsatətlərə ayrıca baxılıb. Prosesə Fuad Axundov sədrlik edib.
-
Çərşənbə günü ABŞ bildirib ki, Gürcüstanın hakim partiyasından qaynaqlanan antiqərb ritorikasının güclənməsindən narahatdır.
-
Mayın 9-da Azərbaycan İkinci Dünya Müharibəsində faşizm üzərində qələbənin 79-cu ildönümünü qeyd edir. Bu hadisə münasibətilə Azərbaycan prezidenti İlham Əliyev və birinci xanım Mehriban Əliyeva tarixin bu dönüş fəslində Azərbaycan xalqının göstərdiyi yenilməz fədakarlığı və qəhrəmanlığı yad ediblər.
Rəy yaz