Si Tsinpin Azərbaycana səfər etmək niyyətindədir

 Azərbaycan böyük sayda Çin şirkətlərinin ölkə iqtisadiyyatında iştirakında maraqlıdır. Bu barədə prezident İlham Əliyev bazat günü Çin Xalq Respublikası sədrinin xüsusi nümayəndəsi, Kommunist Partiyası Siyasi Şurasının üzvü, Mərkəzi Komitəsinin siyasi və hüquqi məsələlər komissiyasının katibi - Təhlükəsizlik Şurasının katibi Menq Jianzu ilə görüşündə bildirib.

Görüş zamanı Jianzu qeyd edib ki, ÇXR sədri Si Tsinpin də Azərbaycana səfər etmək arzusunda olduğunu bildirib.

Azərbaycan prezidentinin rəsmi saytında dərc edilən məlumata görə, İ.Əliyev bildirib ki, Azərbaycanla Çin arasında siyasi, iqtisadi, nəqliyyat, ticarət sahələrində və humanitar sahədə əlaqələr uğurla inkişaf edir. Hüquq mühafizə və təhlükəsizlik sahələrində də əməkdaşlığın genişləndirilməsi ikitərəfli münasibətlərin möhkəmlənməsinə töhfə verə bilər.

ÇXR sədri Si Tsinpinin salamlarını dövlət başçısına çatdıran Jianzu qeyd edib ki, Azərbaycana səfərə gələn nümayəndə heyətinin tərkibinə Çinin bütün hüquq- mühafizə, təhlükəsizlik orqanlarının və Xarici İşlər Nazirliyinin rəhbər nümayəndələri daxildir.

Onun sözlərinə görə,  Çin Azərbaycan ilə təhlükəsizlik, hüquq mühafizə sahələrində, terrorizmə, transmilli iqtisadi cinayətkarlığa, kibercinayətkarlığa qarşı mübarizə, Böyük İpək Yolu boyunca təhlükəsizliyin təmin olunması və digər sahələrdə əməkdaşlığın genişləndirilməsində maraqlıdır. Təhlükəsizlik sahəsində əməkdaşlıq regional əməkdaşlığa da öz töhfəsini verə bilər. Jianzu Böyük İpək Yolunun perspektivli layihə olduğunu vurğulayıb.

O bildirib ki, səfərinin əsas məqsədi prezident İlham Əliyevin Çinə dövlət səfəri zamanı iki ölkə liderləri arasında əldə olunmuş razılaşmaların həyata keçirilməsinə təkan verməkdir.

İ.Əliyev bildirib ki, Çin Azərbaycan üçün dost və qardaş ölkədir və Çin ilə münasibətlərin inkişaf etdirilməsi xarici siyasətdə əsas istiqamətlərdən biridir.

Dövlət başçısı Azərbaycandan keçərək Çindən Avropaya dəmir yolu ilə yük daşınması sahəsində əməkdaşlığın yaxşı perspektivlərinin olduğunu vurğulayıb və bu sahədə fəal iş aparıldığını deyib.

Azərbaycanla  Çin arasında terrorizm, ekstremizm və separatizmlə mübarizə sahəsində əməkdaşlığın genişləndirilməsinin vacibliyini vurğulayan  İ. Əliyev ölkənin erməni terrorizmi və separatizmi ilə üzləşdiyini bildirib və qeyd edib ki, Ermənistan-Azərbaycan, Dağlıq Qarabağ münaqişəsi beynəlxalq hüququn norma və prinsipləri əsasında, ölkəmizin ərazi bütövlüyü çərçivəsində həll edilməlidir. Dövlət Azərbaycanın Çinin ərazi bütövlüyünü dəstəklədiyini bir daha vurğulayıb.

İ.Əliyev deyib ki, Azərbaycanın Çinin daha çox şirkətlərinin ölkə iqtisadiyyatında iştirakında və turizm sahəsində əməkdaşlığın genişləndirilməsində maraqlıdır.

O, Şanxay Əməkdaşlıq Təşkilatında Azərbaycana dialoq üzrə tərəfdaş statusunun verilməsində Çinin göstərdiyi dəstəyə görə minnətdarlığını bildirib və bu təşkilatla fəal əməkdaşlığın aparılmasının Azərbaycanın xarici siyasətində prioritetlərdən biri olduğunu vurğulayıb.

İ.Əliyev Si Tsinpini onun üçün münasib vaxtda Azərbaycana rəsmi səfərə dəvət edib.

Görüşdə Ermənistan-Azərbaycan, Dağlıq Qarabağ münaqişəsinin həlli ilə bağlı Vyanada keçirilən son görüşün nəticələri müzakirə olunub. Çin tərəfi münaqişənin tezliklə sülh yolu ilə həllində maraqlı olduğunu bildirib. Menq Jianzu qeyd edbi ki, Çin Azərbaycanın ərazi bütövlüyünü təmin etmək istiqamətindəki səylərinə hörmətlə yanaşır.06D--