![2015-ci ildə dövlət büdcəsinin neft gəlirləri 16% azalıb](https://turan.az/resized/./turan-750-500-resize.webp)
2015-ci ildə dövlət büdcəsinin neft gəlirləri 16% azalıb
2015-ci il Azərbaycan üçün çətin olub. O, yüksək inflyasiya, devalvasiya, iqtisadi artımın zəif tempi ilə səciyyələnir. Bu barədə Hesablama Palatasının sədri Vüqar Gülməmmədov Milli Məclisin iqtisadi siyasət komitəsinin iclasında bildirib.
Onun sözlərinə görə, 2015-ci ildə dövlət büdcəsinin neft gəlirləri 15,8%, onun xüsusi çəkisi 66%-dən 58,4%-ə azalıb.
Hesablama Palatasının sədri deyib ki, neftin ucuzlaşması dövlət büdcəsinə mədaxilin, xüsusən ARDNF-dən transfertlərin azalması ilə nəticələnib.
Sənədə əsasən, 2015-ci ildə dövlət büdcəsinin kəsiri 286,5 mln manat və ya ÜDM-in 0,5%-i qədər olub.
2015-ci ildə dövlət büdcəsinin gəlirləri 17 mlrd 498 mln manat olub və 90% yerinə yetirilib. 2015-ci ildə 2014-cü illə müqayisədə büdcə gəlirləri 4,9% azalıb.
ARDNF-dən transfertlər 8 mlrd 130 mln manat və ya büdcə gəlirlərinin 46,5%-i qədər olub.
Vergilər Nazirliyinin xətti ilə mədaxil 7 mlrd 118,3 mln manat və ya 40,7%, Gömrük Komitəsinin xətti ilə mədaxil 1 mlrd 591,9 mln manat və ya 9,1% olub.
ARDNF-dən transfertlər proqnozuna 78,3%, Vergilər Nazirliyinin xətti ilə mədaxilə 99,9%, DGK xətti ilə mədaxilə 112,4% əməl edilib.
2015-ci ildə dövlət büdcəsinin xərcləri 17 mlrd 784,5 mln manat olub və 84,3% yerinə yetirilib.
* Milli Məclisin iqtisadi siyasət komitəsi mayın 20-də 2015-ci ilin dövlət büdcəsinin icrası haqqında qanunu təsdiq edib. MM-in plenar iclası sənədə 31 mayda baxacaq.—12В--
-
- Siyasət
- 22 May 2016 20:23
-
- İqtisadiyyat
- 23 May 2016 11:51
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz