![Sirac Kərimlinin işi üzrə hazırlıq iclası olub](https://turan.az/resized/media/2015/main/020500105406-750-500-resize.webp)
Sirac Kərimlinin işi üzrə hazırlıq iclası olub
Fevralın 5-də Bakı Ağır Cinayətlər Məhkəməsində hakim Əhməd Quliyevin sədrliyi ilə Sirac Kərimlinin işi üzrə hazırlıq iclası keçirilib.
Sirac Kərimli 2014-cü il iyulun 17-də saxlanılaraq barəsində həbs qətimkan tədbiri seçilib. O, Cinayət Məcəlləsinin 234.4.3-cü (qanunsuz olaraq satış məqsədilə böyük ölçüdə narkotik maddə əldə etmək və ya saxlamaq) maddəsi ilə ittiham olunur. Siracın qardaşı Fərəc Kərimli isə iyulun 23-də eyni ittihamla həbs edilib. Fərəc Kərimli Müsavat Partiyası Gənclər Təşkilatının sədr müavini və facebook fəalıdır. Ailə üzvləri və Müsavat Partiyasının başqanı Arif Hacılı Sirac Kərimlinin qardaşının əvəzinə səhv olaraq həbs edildiyini bildirib.
“Lakin sonradan səhv düzəldilmədi. Hər iki qardaş həbsdə saxlanıldı”, deyə Hacılı bildirib.
Hər iki qardaş yerli hüquq müdafiə təşkilatları tərəfindən siyasi məhbus kimi tanınıb. Amnesty İnternational Sirac və Fərəc Kərimli qardaşlarını “vicdan məhbusu” elan edib. Qardaşlar Andrey Saxarov adına “Azadlığı dəstək” mükafatına layiq görülüb.
Vəkil Nemət Kərimli məhkəmə heyətinə Sirac Kərimlinin siyasi məhbus olduğunu çatdırıb. Onun barəsində həbs qətimkan tədbirinin dəyişdirilərək ev dustaqlığı ilə əvəz edilməsi barədə vəsatət qaldırıb. Vəkil həmçinin cinayət işi başlamamışdan öncə dövlət tərəfindən tutulmuş vəkilin dəvət edilməsinin və vəkilin baxış protokoluna imza etməsinin qanunvericiliyə uyğun olmadığını məhkəmənin diqqətinə çatdırıb. “Bu səbəbdən baxış protokolu sübutlar siyahısından çıxarılmalıdır”, deyə Nemət Kərimli bildirib.
Dövlət ittihamçısı istintaqın qanunvericiliyə uyğun aparıldığını deyib və vəsatətlərin təmin edilməməsini istəyib.
Beləliklə, məhkəmə vəsatətləri təmin etməyib və məhkəmə baxışını fevralın 12-si saat 11.30-a təyin edib. -03C-
-
- İqtisadiyyat
- 5 Fevral 2015 15:01
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz