“Siyasi Məhbuslarsız Azərbaycan” (SMA) İctimai Alyansının növbəti toplantısı keçirilib.
İclasda qanunsuz həbsdə olan siyasi məhbuslara diqqət və dəstəyin artırılması, müdafiə işinin gücləndirilməsi üçün bəzi tədbirlərin keçirilməsi qərara alınıb. Qurum siyasi məhbuslara dəstəklə bağlı bəyanat qəbul edib.
Bəyanatda son zamanlar ölkədə qanunsuz həbslərin artması, Əliyev rejiminin ölkəni həbsxanaya çevirmək cəhdi qəti pislənilib. Bu həbslər fərqli düşüncəyə, azad sözə, sərbəst toplaşmaq azadlığına basqı, iqtidarın rəqiblərindən qisas alması kimi dəyərləndirilib. Həbsdə olan vicdan və siyası məhbusların qeyd- şərtsiz azadlığa buraxılması tələb olunub.
Sənəddə Alyans üzvü Rüfət Hacıbəylinin və daha bir neçə gəncin Ağcabədidə “Bahalaşmaya son qoyulsun” tələbi ilə keçirilən aksiyada həbsi pislənilib, onların azadlığa buraxılmaları tələb edilib. Alyansın toplantısında həbsxanalardakı duruma və məhbus hüquqlarına dair növbəti hesabatın hazırlanmasına start verilməsi qərara alınıb.
Yerli və beynəlxalq ictimaiyyətin diqqətini ölkədəki qanunsuz həbslərə və ədalətsiz məkhəmələrə cəlb etmək, bu sahədəki problemləri müzakirə etmək üçün Alyans siyasi məhbuslarla bağlı Ümumrespublika Forumunun keçirilməsini qərara alıb.-05D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz