Yanvarın 23-də Azərbaycandan olan siyasi mühacirlər Avropa Şurasının binası qarşısında korrupsiya faktının araşdırılması və Azərbaycanda siyasi məhbusların azad edilməsi tələbi ilə piket keçirib. Aksiya Reportyorların Azadlıq və Təhlükəsizliyi İnstiutunin (RATİ) təşkilatçılığı ilə keçirilib.
RATİ-nin həmtəsisçisi, aksiyanın iştirakçısı Emin Hüseynov Turana bildirib ki, aksiya zamanı Azərbaycanın 58 vətəndaş cəmiyyəti nümayəndəsinin AŞPA deputalarına ünvanladığı müraciətin 300 nüsxəsi onlara çatdırılıb.
Müraciətdə Avropa Təhlükəsizlik Təşəbbüsü tərəfindən hazırlanmış hesabatda yer alan və İtaliyanın Milan prokurorluğunun istintaqını apardığı AŞPA-nin keçmiş vitse-prezidenti Luka Volonte ilə bağlı korrupsiya faktının araşdırılması istənilir.
Hesabatda Azərbaycanın xeyrinə səs verməsi üçün AŞPA-nin bir sıra deputalarının rüşvətlə ələ alınması əksini tapıb .
Hüseynovun sözlərinə görə, Azərbaycan QHT fəallarının müraciəti Avropa Şurası Parlament Assambleyasının siyasi qruplarında müzakirə ediləcək. -06B-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz