Siyasi partiyalar demokratiyanın durumunu müzakirə edəcək (YENİLƏNİB)

2014 Sentyabr 03 (Çərşənbə) 14:24:48

Bu gün  Klassik Xalq Cəbhəsi Partiyasının (KXCP) qərargahında siyasi partiyaların toplantısı keçirilib. Toplantıda KXCP, Müsavat, Demokrat, Ümid, Azadlıq, Böyük Azərbaycan, Vətəndaş və İnkişaf, İslam, Liberal Demokrat, Xalq Partiyaları iştirak edib.

KXCP-nin informasoya şöbəsinin məlumatına görə toplantıda aşağıdakı qərarlar qəbul edilib:

-  “Demokratiyanı Müdafiə haqqında Xartiya imzalanıb. Xartiyada Siyasi partiyaların Demokratiya və İnsan Haqları Mərkəzinin təsisi bəyan edilib. Xartiya siyasi partiyalar tərəfindən imzalanmağa açılıb.

-   Vicdan və siyasi məhbusların müayinəsi və müalicəsi üçün beynəlxalq tibbi komissiyanın yaradılması barədə AR PA, Ədliyyə nazirliyi, Baş prokurorluq, ATƏT, AŞ , AB və Beynəlxalq Qırmızı Xaç Cəmiyyətinə müraciət qəbul edilib.

-  17 sentyabr 2014- cü il tarixində, Azərbaycan Demokrat Partiyasının qərargahında, saat 12- də siyasi partiya, QHT, media, gənclik hərəkatı nümayəndələrin  və beynəlxalq təşkilatların iştirakı ilə Azərbaycanda demokratiyanın vəziyyəti mövzusunda  ümumrespublika  konfransının keçirilməsi barədə qərar qəbul edilib. Konfransın işçi qrupu yaradılıb.

-   Siyasi partiyaların Demokratiya və İnsan Haqları Mərkəzinin  komissiyalarının nümunəvi əsasnaməsi müzakirə edilib və qəbul edilib.

-  Azadlıq qəzetinin əməkdaşı Seymur Həzinin həbsi,  Milli Şuranın üzvü Eldəniz Quliyevə, KXCP sədr müavini Oqtay Qüləliyevin hədd buluğa çatmamış oğlu əleyhinə cinayət işi açılması pislənib.

-  Ölkə başçısı İ. Əliyevin Azərbaycan müxalifətinin xaricdən maliyyələşməsi barədəki ittihamları və Prezident Adminstrasiyasında  söz və mətbuat azadlığı əleyhinə keçirilmiş müşavirə ilə bağlı müraciət hazırlanması qərara alınıb.-03D-