“Müsavat Partiyası sıradan bir partiya deyil, onun Milli Şuranı tərk etməsi quruma ciddi zərbədir”. Bu barədə Milli Şuranın üzvü, Vətəndaş Həmrəyliyi Partiyası (VHP) Ali Məclisinin sədri Rafiq Manaflı Turan-a bildirib.
O qeyd edib ki, Müsavat-ın qurumdan gedişi gözlənilirdi. Çünki, partiya rəhbərliyinin prezident seçkilərindən sonra “yeni siyasi situasiya yaranması, yeni əməkdaşlıq formatı” ilə bağlı müzakirələri əslində bu gedişin hazırlanması üçün idi. Müsavat Partiyasının axtardığı əməkdaşlıq formatını tapıb-tapmadığı hələ məlum deyil, amma müxalif qüvvələrin əməkdaşlığına vurulan zərbə ortadadır və buna ancaq təəssüf etmək qalır”, - deyə R.Manaflı bildirib. O, həm də bu addımın Müsavat Partiyasının özünə böyük zərbə olacağını xüsusi vurğulayıb.
Milli Şuranın üzvü, “EL” Hərəkatının rəhbəri Eldar Namazov bu addımın təəssüf hissi doğurduğunu xüsusi qeyd edib. Həm də son aylarda partiya tərəfindən verilən açıqlamaları xatırladan E.Namazov bu gedişin təsadüf olmadığını, həmin açıqlamaların bu gedişi proqnozlaşdırmağa imkan verdiyini söyləyib. -05B-
Siyasət
-
Yanvarın 24-də Bakı Apellyasiya Məhkəməsində jurnalist Fərid İsmayılovun həbsindən şikayətə baxılıb.
-
2024-cü ildə Azərbaycanda insan hüquqları ilə bağlı vəziyyət jurnalistlərə, fəallara və dindarlara qarşı repressiyaların artması ilə xarakterizə olunub. Bu barədə "Müdafiə xətti" qeyri-hökumət təşkilatının illik hesabatında deyilir. Sənədi yanvarın 24-də bu qurumun üzvü, hüquq müdafiəçisi Zəfər Əhmədov təqdim edib.
-
Yanvarın 24-də Səbail Rayon Məhkəməsində “Kanal-13” İnternet- nəşrin rəhbəri Əziz Orucovun işi üzrə proses davam edib.
-
Yanvarın 24-də Azərbaycan müdafiə nazirinin müavini, Quru Qoşunları komandanı general-polkovnik Hikmət Mirzəyev Türkiyəyə rəsmi səfərə gedib.
Rəy yaz