Sığorta bazarında aşkar tendensiyalar

Ötən il Azərbaycanın sığorta bazarında icbati sığortanın payı artıb. 2013-cü ilin 11 ayında bu seqmentdə bütün mükafatların 34,2%-i və ya 126,03 (2012-ci ildə 119 mln) toplanıb. 2011-ci ilin eyni dövründə bu göstərici 48 mln manat (24,4%) olub. Mütəxəssislərin fikrincə, «Sığorta fəaliyyəti haqqında» qanuna dəyişikliklər bazarı daha da gücləndirəcək, icbari sığortada artım isə paritet yaradacaq. 

1 dekabr üçün ödənişlərdə “Paşa Sigorta” (25,24 mln ödəniş, 48,95 mln manat mükafat), birdəfəlik ödənişlərdə "Bakı Sigorta" lider olub – 1,7 mln (bankların birində dələduzluq). 1 dekabr 2011-ci il üçün bu növün ümumi ödənişləri 6,17 min manat, mükafatları 347 min, 2012-ci ildə mükafatlar 418,93, ödənişlər 618,49 min olub, ötən il 1,01 mln mükafata qarşı 2,22 mln manat ödənilib. Maliyyə Nazirliyinin proqnozun görə, banklarda düzgün menecment yaradılsa, tendensiyada azalma ola bilər. 

Avtonəqliyyat vasitələri sahiblərinin mülki məsuliyyətinin icbari sığortası (AVSMMİS) üzrə də dəyişiklik olub –1 dekabr 2012-ci il üçün 68,59 toplanıb, 5,62 mln manat ödəniş edilib. Ötən il 23,6 mln ödənilib, mükafatlar 65,23 mln manat olub. Bu, o demək deyil ki, qəzalar azalıb, sadəcə Dövlət Sığorta Nəzarəti Xidməti və İSB sığortaçılara tələbatı artırıb. 

Daha bir tendensiya yığım sığortasında artım, ödənişlərdə azalmadır –1 dekabr 2012-ci il üçün mükafatlar 10,92 mln, ödənuişlər 2,74 mln manat (25%), ötən il mükafatlar 35,69 mln, ödənişlər 2,17 mln manat (6,1%) olub. 

Daha biri – texniki dəyiiklik. Sığorta bazarının iştirakçıları nizamnamə kapitalını tələbə – sığortaçılar üçün 5 mln, təkrarsığortaçılar üçün 10 mln manata çatdırıb. 

Ötən ilin 11 ayında sığorta şirkətləri cəmi 110,48 mln ödəniş edib, 368,88 mln manat mükafat yığıblar. --17D—