Bakı/25.12.19/Turan: Seçkilərin Monitorinqi və Demokratiyanın Tədrisi Mərkəzi (SMDTM) 23 dekabr bələdiyyə seçkilərinin monitorinqinin nəticələrinə dair ilkin hesabatı açıqlayıb.
Sənəddə qeyd olunduğu kimi, uzunmüddətli monitorinq seçki kampaniyasının bütün mərhələlərini - namizədlərin irəli sürülməsi, seçkiqabağı təşviqat, seçki günü səsvermə və səslərin hesablanmasını əhatə edib.
Uzunmüddətli monitorinqi 17 müşahidəçi izləyib.
Seçki günü monitorinq təsadüfi seçim yolu ilə müəyyən edilmiş 125 seçki məntəqəsində 125 müstəqil müşahidəçi ilə əməkdaşlıq şəraitində aparılıb.
SMDTM namizədlərin irəli sürülməsi və qeydiyyatı mərhələsində bəzi dairələrdə inzibati resurslardan istifadə hallarını qeydə alıb.
Heç bir əsas olmadan bəzi şəxslərin qeydiyyatından imtina edilib.
Seçkiqabağı təşviqat zamanı bəzi namizədlərə və müşahidəçilərə icra hakimiyyəti orqanları, dairə və məntəqə seçki komissiyaları tərəfindən təzyiq edilib.
Bəzi yerlərdə namizədlərin təşviqat materialları məhv edilib, lakin bununla bağlı araşdırmalar aparılmayıb.
Ümumilikdə, seçkiqabağı təşviqat mərhələsində passivlik və rəqabətsizlik atmosferi müşahidə olunub.
Seçki kampaniyasının bütün mərhələlərinin monitorinqinin ilkin nəticələri göstərir ki, bələdiyyə seçkiləri siyasi azadlıqların kəskin məhdudlaşdırılması, bərabər və gerçək rəqabətin olmaması şəraitində keçirilib, səsvermə və səslərin hesablanması isə kütləvi pozuntular şəraitində keçirilib.
Beləliklə, alternativ seçki imkanlarının olmaması, milli qanunvericiliyin və beynəlxalq standartların pozulması səbəbindən bələdiyyə seçkilərinin nəticələri vətəndaşların real və azad iradəsini əks etdirmir, hesabatda deyilir.
Sonda tövsiyələr irəli sürülür.
Əsasən qanun pozuntularını törədənlərin cəzalandırılması, toplaşma, ifadə, birləşmə azadlığının təmin edilməsi, siyasi motivli təqiblərə son qoyulması, siyasi məhbusların azad edilməsi, seçki qanunvericiliyinin Avropa Şurası Venesiya Komissiyasının tövsiyələri əsasında təkmilləşdirilməsi, bələdiyyələrin səlahiyyətlərinin genişləndirilməsi, seçki komissiyalarının işində şəffaflığın artırılması, vətəndaşların təzyiq olmadan seçkiləri müşahidəsi üçün şəraitin yaradılması təklif olunur. 06D—
Siyasət
-
"Azərbaycan və Ermənistandan olan bir qrup hidroloq və mühəndis bizim fəal dəstəyimizlə transsərhəd çaylar üçün inteqrasiya olunmuş su idarəçiliyi sxemi üzərində birgə işləyir", bu barədə noyabrın 12-də ABŞ-ın Azərbaycandakı səfiri Mark Libbi X sosial şəbəkəsindəki hesabında yazıb.
-
Prezident Baydenin administrasiyasının səlahiyyət müddətinin başa çatdığı nəzərə alınmaqla, dövlət katibi Entoni Blinken avropalı həmkarları ilə Ukraynanı necə dəstəkləyə biləcəklərini müzakirə etmək üçün Brüsselə təcili səfərə yola düşür.
-
Bakı Şəhər İcra Hakimiyyətinin. Baçğşçısı Eldar Əzizov bu il oktyabrın 22-də güclü yağışlar nəticəsində yol keçidlərini, tunelləri və çoxsaylı küçələri sel basması ilə baglı bildiribki, yağışlar nəticəsində kanalizasiya xətləri sel sularını götürə bilməyib.
-
ABŞ bərpa olunan enerji mənbələrinə keçiddə Azərbaycan da daxil olmaqla, bütün ölkələrə kömək etməyə hazırdır. Bu barədə COP29 çərçivəsində keçirilən brifinqdə ABŞ-ın İqlim məsələləri üzrə milli müşaviri Ali Zaidi neft və qazdan təmiz enerji növlərinə keçiddə ABŞ-ın Azərbaycana necə kömək edə biləcəyi haqqında Turan-ın sualına cavabda bildirib.
Rəy yaz