![SPECA iştirakçısı olan ölkə liderlərinin sammiti Bakı Bəyannaməsinin qəbulu ilə başa çatıb](https://turan.az/resized/news/2023/UnCiZtqtu8vfbWkC2XQeBw6hGs0X7otx3mQNbmER-750-500-resize.webp)
SPECA iştirakçısı olan ölkə liderlərinin sammiti Bakı Bəyannaməsinin qəbulu ilə başa çatıb
SPECA iştirakçısı olan ölkə liderlərinin sammiti Bakı Bəyannaməsinin qəbulu ilə başa çatıb
Bakı/24.11.23/Turan: Noyabrın 24-də Bakıda SPECA (Special Programme UN for the Economies of Central Asia) iştirakçısı olan ölkələrin sammitində Mərkəzi Asiya ölkələri, Azərbaycan və Avropa arasında əməkdaşlığın inkişafı məsələləri müzakirə olunub.
Bakıda ilk dəfə keçirilən sammitdə Azərbaycan, Qazaxıstan, Özbəkistan, Qırğızıstan və Tacikistan liderləri, habelə fəxri qonaq qismində Macarıstan və Gürcüstanın hökumət başçıları, Körfəz Əməkdaşlıq Şurasının baş katibi iştirak ediblər.
"Bu günlərdə BMT Baş Assambleyasında SPECA-nın 25 illiyi ilə əlaqədar qəbul edilmiş qətnaməni alqışlayırıq. BMT-nin himayəsi altında SPECA Etimad Fondu təsis edilmişdir. Azərbaycan Etimad Fonduna 3,5 milyon ABŞ dolları ayıracaq", deyə Əliyev tədbirdə çıxışında bildirib.
Onun sözlərinə görə, Azərbaycan və Mərkəzi Asiya strateji əhəmiyyəti artmaqda olan vahid tarixi-mədəni və geosiyasi məkandır.
Son illərdə Azərbaycan özünün nəqliyyat infrastrukturuna milyardlarla ABŞ dolları həcmində sərmayə qoyub, Avrasiyanın Şərq-Qərb və Şimal-Cənub nəqliyyat dəhlizləri üzərində yerləşən nəqliyyat və logistika mərkəzlərindən birinə çevrilib, deyə Əliyev sözünə davam edib.
Digər sammit iştirakçıları da nəqliyyat dəhlizlərinin inkişafından və Şərq və Qərb arasında əməkdaşlıqda region ölkələrinin rolundan danışıblar.
Öz növbəsində, Gürcüstanın baş naziri İrakli Qaribaşvili bildirib ki, Gürüstan və Azərbaycan, habelə digər tərəfdaşlar Şərq və Qərb arasında körpü olan Aralıq Dəhlizinin təkmilləşdirilməsi üzərində işləyir. O, həmçinin Qara Dənizin dibindən elektrik kabeli çəkilməsi layihəsinin region üçün əhəmiyyətini qeyd edib.
SPECA kimi təşəbbüslər Şərq və Qərb arasında əlaqəni təmin edir, deyə Macarıstanın baş naziri Viktor Orban öz çıxışında bildirib. Onun sözlərinə görə, "Macarıstan inkişaf etmiş Şərq və Qərb şirkətləri arasında körpü rolunu oynaya bilər". "Biz Mərkəzi Asiyanı, region ölkələri arasında əməkdaşlığı möhkəmləndirən bütün təşəbbüsləri dəstəkləyirik", deyə o qeyd edib.
Sammitin yekunlarına görə Bakı Bəyannaməsi qəbul edilib. Növbəti sammit 2024-cü ildə Düşənbədə keçiriləcək.
* SPECA 1998-ci ildə təsis edilib. Proqramın iştirakçıları Azərbaycan, Qazaxıstan, Tacikistan, Qırğızıstan, Türkmənistan, Özbəkistan və Əfqanıstandır. Proqramın məqsədi iştirakçı dövlətlər arasında əməkdaşlığın inkişafını və dünya iqtisadiyyatına inteqrasiyanı dəstəkləməkdən ibarətdir. Bu il SPECA-ya Azərbaycan sədrlik edir. 06D
-
- Siyasət
- 24 Noyabr 2023 17:25
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz