Ştrasserin siyahısına düzəlişlər edilib

Bu gün axşam Strasburqda AŞPA-nın hüquqi məsələlər və insan hüquqları komitəsinin iclası keçirilib. İclasda Ştrasserin Azərbaycanda siyasi məhbuslar haqqında məruzəsi müzakirə olunub və düzəlişlər edilib.

Düzəlişlər siyasi məhbuslar siyahısının dəqiqləşdirilməsi ilə bağlı olub, belə ki, məruzə tərtib edildiyi vaxtdan – 2012-ci ilin iyunundan etibarən bir sıra məhbuslar azadlığa buraxılıb və əfv edilib, bir məhbus – Vaqif Abdullayev isə (islamçı) vəfat edib.

Beləliklə, Ştrasserin ümumi siyahısından 35 nəfər çıxarılıb, amma 10 nəfər əlavə edilib: Nicat Əliyev (“Azad xəbər”), İlham Əmiraslanov, Dəyanət Babayev (AXCP), Araz Quliyev (Masallı, “xəbər44”), Mehman Hüseynov (RATİ), Hilal Məmmədov, Fəxrəddin Mirzəyev (Gəncə, “Yeqovo şahidləri”), Fərəməz Allahverdiyev (Naxçıvan, publisist), İlqar Rzayev (Alı Rzayevin qardaşı), Ramiz Tağıyev (Naxçıvan, AXCP).

Bundan başqa, hesabatda qeyd edilib ki, Fərhad və Rafiq Əliyevlər, Vaqif Hüseynov, Nemət Pənahlı, Elnur Seyidov və Əvəz Zeynallı səhhətləri ilə əlaqədar təcili azad edilməlidir.

Xatırladaq ki, məruzə yanvarın 23-də müzakirə olunacaq. -04В-