Şuşada II Qlobal Media Forumu açılır
Bu gün Azərbaycanın mədəniyyət paytaxtı Şuşada II Qlobal Media Forumu açılır.
Milli Mətbuat Gününə (22 iyul) həsr olunmuş Forumun əsas mövzusu "Yalan informasiyanın ifşası: dezinformasiya ilə mübarizə" olacaq.
Bu gün Forumda Azərbaycan prezidenti İlham Əliyev çıxış edəcək.
İyulun 22-dək davam edəcək Forum çərçivəsində dörd panel sessiya keçiriləcək: "Təsirin qiymətləndirilməsi: dezinformasiyanın miqyasının müəyyən edilməsi", "Dezinformasiyaya daha davamlı cəmiyyət quruculuğu üzrə siyasət və təşəbbüslər", "Süni intellektin reallığa, KİV və dezinformasiyaya təsiri: media savadlılığının artırılması" və "İqlim hərəkatı və KİV".
Forumda 50-ə yaxın ölkədən 150-dən çox xarici qonaq iştirak edəcək.
Onlar 30-a yaxın ölkənin informasiya agentliklərini, 3 beynəlxalq təşkilatı və 82 KİV orqanını təmsil edirlər.
Eyni zamanda, Azərbaycanın müstəqil media nümayəndələri Foruma dəvət olunmayıblar.
Birinci Şuşa Qlobal Media Forumu 2023-cü il iyulun 21-23-də keçirilib.
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz