Bakı/11.08.18/Turan: Azərbaycan Qarabağ münaqişəsinin nizamlanması məsələsində Bakının mövqeyini dəstəklədiyinə görə Tacikistana minnətdardır. Bunu Azərbaycanın dövlət başçısı İlham Əliyev cümə günü Bakıda Tacikistan prezidenti İmoməli Rəhmonla danışıqlarının yekunları ilə əlaqədar deyib.
Azərbaycan və Tacikistan prezidentlərinin danışıqlarının yekunlarına əsasən imzalanan birgə bəyanatda deyilir ki, münaqişə BMT Təhlükəsizlik Şurasının məlum qətnamələrinə, ATƏT qərarlarına uyğun olaraq Azərbaycanın ərazi bütövlüyü, suverenliyi və sərhədlərinin pozulmazlığı çərçivəsində həll olunmalıdır.
"Belə ədalətli mövqeyə görə Azərbaycan xalqı adından sizə təşəkkür etmək istəyirəm. Bu, həm dost mövqeyidir, həm də ədalətli mövqedir", - İ.Əliyev qeyd edib.
İ.Rəhmon cavab sözündə deyib ki, Cənubi Qafqazda baş verən proseslərlə bağlı fikir mübadiləsi aparılıb.
"Biz mövcud ziddiyyətlərin və münaqişələrin ümumqəbuledilmiş beynəlxalq normalar və meyarlar çərçivəsində dinc həlli prinsipinə sadiqliyimizi bəyan edirik. Bizim fikrimizcə, siyasi-diplomatik dialoq Dağlıq Qarabağ kimi mürəkkəb problemin həllində ən konstruktiv yoldur", - o vurğulayıb. -02D-
Siyasət
-
Avropa Şurasının baş katibi Alen Berse "Azərbaycan Hava Yolları"nın təyyarəsinin Qazaxıstanda çox sayda insanın həlak olmasına səbəb olan faciəvi qəzası ilə əlaqədar başsağlığı verib və dərin kədərini ifadə edib.
-
Aktauda təyyarəmizin qəzaya uğraması bir neçə suala cavab tələb edir: 1. Bu qəzada həlak olanların çoxları əvvəllər qatar və ya avtonəqliyyat vasitəsi ilə Şimali Qafqaza gedən şəxslərdir. Azərbaycan illərdir quru sərhədlərini bağlı saxlamasaydı, bu qurbanlar olmaya bilərdi.
-
NATO "Azərbaycan Hava Yolları"na məxsus sərnişin təyyarəsinin Qazaxıstanın Aktau şəhəri yaxınlığında qəzaya uğraması ilə əlaqədar başsağlığı verib. Bu barədə Alyansın mətbuat katibi Fərəh Daxlallah "X" hesabında paylaşım edib.
-
İran prezidenti Məsud Pezeşkian dekabrın 26-da Azərbaycan prezidenti İlham Əliyevə zəng edib.
Rəy yaz