Bakı/06.11.17/Turan: Bazar hünü Tbilisidə Siyasi Məhbusları Müdafiə Mərkəzinin (SMMM) hazırladığı "Gürcüstan işi; təqiblər, həbslər və mövcud reallıqlar" hesabatının ingilis dilində təqdimatı olub.
Hesabat Reportyorların Azadlığı və Təhlükəsizliyi İnsititutunun (RATİ) Gürcüstan üzrə koordinatoru Dany Burns və müstəqil (freelance) jurnalist Nuranə Məmməd tərəfindən təqdim edilib.
Təqdimat zamanı hesabatın hazırlanmasının zəruriliyi, hesabatda son zamanlar qonşu ölkə Gürcüstanda azərbaycanlı siyasi fəallara, jurnalistlərə, biznesmenlərə qarşı təzyiqlərən və son həbslərdən bəhs edilir.
Çıxışçılar qeyd ediblər ki, Gürcüstanda bir sıra aksiyalarda fəal iştirak edib Azərbaycana dönən tənqidçi ictimai fəal Mehman Qələndərovun saxta ittihamlarla həbs edilib həbsxanada öldürülməsi, araşdırmaçı jurnalist Əfqan Muxtarlının Tbilisidə oğurlanıb Bakıya aparılması və həbs edilməsi, həmçinin AXCP sədrinin müavini Gözəl Bayramlının və iş adamı Fərman Ceyranlının həbsləri, azərbaycanlı mühacir fəallara qarşı həyata keçirilən təzyiqlər hesabatda geniş əks olunub.
Təqdimat mərasimində çıxış edən azərbaycanlı siyasi fəal Daşqın Ağalarlı və digərləri Gürcüstan və Azərbaycan hökümətinin rəsmi və qeyri-rəsmi biznes əlaqələrindən və Azərbaycanda insan haqlarının hazırki durumundan danışıblar.
Təqdimatda yerli və beynəlxalq media orqanları, vətəndaş cəmiyyəti nümayəndələri iştirak edib.
Xatırladaq ki, bundan öncə "Gürcüstan işi" hesabatının Bakıda təqdimatı olub.
Xatırladaq ki, bu il mayın 19-da Gürcüstandan qayıdan AXCP sədrinin müavini Gözəl Bayramlı sərhəddə saxlanılıb, ona qarşı qaçaqmalçılıq ittihamı irəli sürülüb. G.Bayramlı ittihamı rədd edərək deyib ki, onun əl çantasına 10 min dolları yoxlama zamanı qoyublar.
Mayın 25-də isə jurnalist Əfqan Muxtarlı naməlum şəkildə Tbilisidən Bakıya gətirilib. Belə ki, rəsmi Bakı jurnalisti dövlət sərhəddini qanunsuz keçməkdə, qaçaqmalçılıqda, sərhədçilərə zor göstərməkdə ittiham edirlər. Ə.Muxtarlı isə mühacir kimi Tbilisidə yaşadığı evin yaxınlığında naməlum şəxslər tərəfindən saxlandığını, fiziki zorakılığa məruz qaldığını və oğurlanaraq Azərbaycana gətirildiyini bildirib.
Siyasət
-
Son zamanlar Azərbaycan-Qərb münasibətləri tez-tez müzakirə olunur. Münasibətlərdə gərginlik hiss olunur, rəsmi şəxslər tərəfindən müxtəlif ittihamlar səslənir. Bəzi ekspertlər hesab edir ki, Azərbaycanın yeni vektorunda Qərbə yer yoxdur, əksinə ölkə siyasi müstəvidə Rusiyaya daha da yaxınlaşır. Hətta Ermənistanla-Azərbaycan arasında sülh müqaviləsinin da Rusiyaya görə imzalanmaması, rəsmi Bakının mövqeyi məhz Moskva ilə uzlaşdırması fikirləri səslənir.
-
Noyabrın 28-də Tbilisi Şəhər Məhkəməsi Gürcüstanda ekstradisiya məqsədi ilə barəsində həbs qətimkan tədbiri seçilmiş Azərbaycanın Azel.TV saytının rəhbəri Əfqan Sadıqovun Azərbaycana ekstradisiya olunması barədə qərar qəbul edib. Sadıqov həbsinə etiraz olaraq 69 gündür aclıq edir.
-
Azərbaycan Xalq Cənhəsi Partiyasının lideri Əli Kərimli internet blokadasının gücləndiyini bildirib.
-
Noyabrın 27-də Xətai Rayon Məhkəməsində müdafiə tərəfin 1 saylı Bakı İstintaq təcridxanasında saxlanılan Toplum TV nəşrinin təsisçisi Ələsgər Məmmədlinin ev dustaqlığına buraxılması haqqında vəsatəti ilə bağlı onlayn iclas keçirilib.
Rəy yaz