Tbilisidə "İpək Yolu" Forumunda regional nəqliyyat kommunikasiyalarının perspektivləri müzakirə olunacaq

Bakı/23.10.23/Turan: 26-27 oktyabr tarixlərində Tbilisidə Gürcüstan, Azərbaycan, Ermənistan hökumət başçılarının, həmçinin onlarla ölkədən nazirlərin, dəmir yolu nəqliyyatı və dəniz daşımaları sahəsində biznes rəhbərlərinin, bankirlərin və maliyyəçilərin, habelə ekspertlərin iştirakı ilə "İpək Yolu" adlı beynəlxalq forum keçiriləcək.

Tədbirin press-relizində deyilir ki, Azərbaycan baş naziri Əli Əsədov və Ermənistan baş naziri Nikol Paşinyan iştirakçılar qarşısında çıxış edəcək.

Panel müzakirələrində həmçinin Azərbaycanın iqtisadiyyat naziri Mikayıl Cabbarov, Azərbaycanın rəqəmsal inkişaf və nəqliyyat naziri Rəşad Nəbiyev, Azərbaycanın energetika nazirinin müavini Elnur Sultanov, Bakı Limanının direktoru Taleh Ziyadov çıxış edəcəklər.

Tədbirin gündəliyində Xəzər-Qara Dəniz hövzəsində və ona bitişik reigonlarda nəqliyyat əlaqələrinin inkişafı perspektivlərinin müzakirəsi də var. 02В