Tbilisidə nümayişçilərə qarşı zorakılığa görə 10 polis işdən azad edilib
Bakı/24.06.19/Turan: Gürcüstan XİN-in Baş Müfəttişliyi iyunun 20-21-də Tbilisidə parlament binası önündə mitinqin dağıdılması zamanı səlahiyyətlərini aşma ehtimalı ilə əlaqədar 10 polisi işdən azad edib. Bu barədə bazar ertəsi mərkəzi kriminal polis departamentinin direktoru səlahiyyətlərini yerinə yetirən Mamuka Çelidze bildirib.
Onun sözlərinə görə, Baş Müfəttişlik 10 polisdən 2-nin əməllərində cinayət tərkibi aşkar edib. O, həmçinin rəhbərlik etdiyi idarənin mitinqin dağıdılması ilə bağlı Gürcüstan CM-in "Zorakılıq və silahdan istifadə ilə vəzifə səlahiyyətlərini aşma" maddəsi ilə cinayət işi açan Gürcüstan Baş Prokurorluğu ilə əməkdaşlığa hazır olduğunu əlavə edib.
Xatırladaq ki, parlament binası qarşısında mitinqin dağıdılması zamanı 240 nəfər xəsarət alıb, onlardan 19-u hələ də xəstəxanalardadır. Polis nümayişçiləri dağıtmaq üçün gözyaşardıcı qazdan, rezin güllələrdən və su püskürdücülərindən istifadə edib. Həmin hadisələrin iştirakçıları polisin onlara gözlərini nişan alaraq atəş açdığını iddia edirlər.
Səhiyyə Nazirliyinin məlumatına görə, beşdən çox insan gözlərindən ciddi xəsarət alıb. İndi həkimlər zərərçəkmişlərin görmə qabiliyyətini qorumağa çalışırlar. -02D-
Siyasət
-
İkinci gündür ki, Azərbaycan Baş Prokurorluğu ölkəyə pul vəsaitinin qaytarılmamasında ittiham olunan kənd təsərrüfatı məhsulları ixracatçılarının ifşa olunduğunu bildirir.
-
Günorta Kazanda BRİKS sammiti çərçivəsində Azərbaycan və Ermənistan liderlərinin ikitərəfli görüşü başlayıb. İlham Əliyev və Nikol Paşinyanın görüşündə iki ölkənin xarici işlər nazirləri, baş nazirin müavinləri və xarici siyasət üzrə köməkçilər də iştirak edirlər.
-
Günorta Kazanda BRİKS sammiti çərçivəsində Azərbaycan və Ermənistan liderlərinin ikitərəfli görüşü başlayıb. İlham Əliyev və Nikol Paşinyanın görüşündə iki ölkənin xarici işlər nazirləri, baş nazirin müavinləri və xarici siyasət üzrə köməkçilər də iştirak edirlər.
-
Cümə axşamı Avropa Parlamenti qəbul etdiyi qətnamədə Azərbaycanda insan hüquqlarının kobud şəkildə pozulmasını pisləyib. Sənəddə fəallara, jurnalistlərə və müxalifət liderlərinə qarşı repressiyalardan danışılır. Deputatlar bildiriblər ki, bu sui-istifadə halları COP29-un Bakıda keçirilməsilə bir araya sığmır. Avropa Parlamentinin üzvləri Avropa İttifaqını Bakıdan qaz asılılığına son qoymağa çağırıblar.
Rəy yaz