İranın Ali Milli Təhlükəsizlik Şurası İsrailə cavab zərbəsi endirilməsi haqqında qərar qəbul edib, xəbəri şura üzvü Esmail Kosari verib.
Daha əvvəl İslam İnqilabı Keşikçiləri Korpusunun komandanı Salemi də İsrailə zərbə endirməyə hazırlıq getdiyini bildirmişdi.
İranın dini lideri Xamneyi də sonuncu açıq müraciətində İsrailin mütləq cəzalandırılmalı olduğunu bəyan edib.
İran ABŞ-da noyabrın 5-nə planlaşdırılan prezident seçkilərindən əvvəl İsrailə zərbə endirəcək, deyə CNN və Axios-un mənbələri bildirib.
İsrail kəşfiyyatı hücumun İran ərazisindən buraxılacaq çox sayd dron və raketlə həyata keçiriləcəyini təxmin edir.
Oktyabrın 26-na keçən gecə İsrail ordusu İranın üç əyalətində - Tehran, Xuzestan və İlamda hərbi obyektlərə aviazərbələr endirib. İran hakimiyyəti dörd hərbi qulluqçunun həlak olduğunu, ölkəyə "məhdud ölçüdə ziyan" dəydiyini, neft sənayesinə isə zərər dəymədiyini açıqlayıb.
The New York Times raket istehsal edən böyük bir zavod da daxil olmaqla, İranın bir neçə mühüm hərbi obyektinin vurulduğunu öyrənib.
Siyasət
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
-
Noyabrın 22-də Bakıda COP29-un keçirildiyi məkanda beynəlxalq fəallardan ibarət bir qrup "İnsan hüquqları yavaş-yavaş ölür" şüarı altında aksiya keçiriblər.
Rəy yaz