Tehran Suriya və Livana xüsusi bölmələrin göndərilməsi faktını təsdiqləyib

İran hakimiyyəti növbəti dəfə Bəşər Əsəd rejiminə hərbi yardımın göstərilməsi faktını təsdiqləyib. Belə ki, İslam İnqilabı Keşikçiləri Korpusunun komandanı general Məhəmməd Əl Cəfəri Livanın 

Naharnet İnternet saytına bildirib ki, “Qüds” xüsusi bölmələrinin hərbçiləri Suriya və Livandadır. General açıqlama verib ki, İran hərbçiləri həmin ölkələrdə müşavir kimi iştirak edirlər.

Əgər İrana qarşı hərbi əməliyyat başlayarsa, Hörmüz körfəzinə, həmçinin ABŞ-ın Bəhreyn, Küveyt, Səudiyyə Ərəbistanı və BƏƏ-dəki bazalarına cavab zərbəsi endiriləcək. 

Sentyabrın 6-da Britaniyanın The Daily Telegraph nəşri Suriyaya İran hərbçilərinin göndərilməsi haqda yazıb. Nəşr 

Qərb kəşfiyyat xidmətinə istinad edərək bildirib ki, Tehran 2012-ci ilin iyulunda suriyalı müdafiə naziri terrorçu-kamikadze tərəfindən qətlə yetirildikdən sonra Dəməşqə bu cür yardımın göstərilməsi barədə qərar qəbul edib.  

İran hərbçiləri ölkəyə yüz tonlarla hərbi yük – silah, raket, təchizat olan təyyarələrlə gəliblər.

İslam İnqilabı Keşikçiləri Korpusunun Suriyada olması barədə məlumatlar əvvəllər də var idi. Belə ki, 2012-ci ilin mayında Bəşər Əsədə kömək üçün hərbçilərin göndərilməsi barədə “Qüds”ün komandiri İsmayıl Qaani  məlumat vermişdi. Onun sözlərinə görə, İran qoşunları gəlməzdən əvvəl Suriya müxalifəti “həddindən çox adam  öldürmüşdü”. Lakin Məhəmməd Əli Cəfərinin çıxışından əvvəl İslam İnqilabı Keşikçiləri Korpusunun rəhbərliyi rəsmi olaraq öz hərbçilərinin Suriyada olması faktını təsdiqləmirdi.  -02D-