Açiq mənbələrdən foto.
Tikiləcək Böyükşor-Pirşağı yolunun şəhər ətrafında nəqliyyat sıxlığını azaltması nəzərdə tutulur
Bakı/25.10.23/Turan: Çərşənbə günü dövlət başçısı uzunluğu 12,7 km olan Böyükşor–Pirşağı avtomobil yolunun layihələndirilməsi və tikintisi üçün Azərbaycan Avtomobil Yolları Dövlət Agentliyinə ilkin olaraq 4,7 milyon manat ayrılması haqqında sərəncam imzalayıb.
Qeyd edək ki, yeni yol paytaxtın ən sıx yollarından olan, Bakı sakinlərinin Abşeronun şimal sahilindəki bağlara getmək üçün istifadə etdiyi Zabrat yolunun yükünü azaltmaq məqsədilə tikiləcək.
Uzunluğundan göründüyü qədər, yeni yol Böyükşor gölündən başlayaraq, Məmmədli və Kürdəxanı qəsəbələrindən keçib Pirşağıya gedəcək. Bu, hazırkı dar Zabrat yolundan iki dəfə qısa olacaq. Yeni yol altı zolaqlı olacaq. 02D
Siyasət
-
Bu gün Bayraq Meydanında Azərbaycanın dövlət bayrağı qaldırılıb.
-
"44 günlük Vətən müharibəsi bizim şanlı tariximizdir, parlaq Qələbəmizdir. Biz həm Birinci Qarabağ müharibəsinin, həm İkinci Qarabağ müharibəsinin, eləcə də antiterror əməliyyatının şəhidlərinin qanını döyüş meydanında aldıq, öz ərazi bütövlüyümüzü, suverenliyimizi bərpa etdik". Bu barədə noyabrın 8-də dövlət başçısı İlham Əliyev Bakıda Zəfər Parkının açılış mərasimində bildirib.
-
Azərbaycan Talışları İctimai Şurasının (ATİŞ) üzvü, ehtiyatda olan polkovnik Mikayıl Hacıyev noyabrın 7-də Bakıdan Yekaterinburqa gedə bilməyib. Bu barədə Turan Agentliyinə o özü bildirib.
-
Noyabrın 7-də Bakının Xətai Rayon Məhkəməsində Abzas Media nəşrinin direktoru Ülvi Həsənlinin ev dustaqlığına keçirilməsi haqqında vəsatətə baxılıb. Dinləmələr iş günündən sonra, saat 19.15-də keçirilib, bu barədə vəkil Zibeydə Sadıqova bildirib. Bu, Həsənlinin prosesdə onlayn iştirak etməkdən imtina etməsi və prosesdə iştirak etməkdə israr etməsi səbəbindən baş verib.
Rəy yaz