Time TV Teymur Kərimovun həbsilə bağlı beynəlxalq institutlara müraciət edib
Time TV Teymur Kərimovun həbsilə bağlı beynəlxalq institutlara müraciət edib
Bakı/13.12.23/Turan: Xaricdə fəaliyyət göstərən Time TV media qrupu Azərbaycanda azad mətbuata təzyiqin artması ilə bağlı beynəlxalq təşkilatlara müraciət edib. Müraciət bu KİV ilə əməkdaşlıq edən jurnalist Teymur Kərimovun həbsindən bir gün sonra qəbul edilib.
Sənəddə deyilir ki, reportyor Teymur Kərimov bir ildən çoxdur ki, Time TV Media Qrupunun Azərbaycandakı nümayəndəsidir.
Müraciətdə deyilir ki, son günlər Azərbaycan dilli azad KİV-ə təzyiq artıb.
“Bu KİV-lərin saytları məhkəmə qərarı olmadan siyasi sifarişlə bloklanır. Time TV Media Qrupa məxsus timetv.live saytına giriş artıq 2 ildən artıq bir müddətdə Azərbaycanda bloklanıb. Sayt dəfələrlə haker hücumlarına məruz qalaraq fəaliyyətini dayandırmağa məcbur olub”, - müraciətdə deyilir.
Time TV Media Qrupu 3 ildir fəaliyyət göstərir. Qrupun rəhbəri ölkə daxilində saytları bloklanmış "Azadlıq" qəzetinin xaricdəki müxbiri Fikrət Hüseynlidir.
* Dekabrın 12-də Bakının Nərimanov Rayon Məhkəməsi Teymur Kərimovun barəsində 4 aylıq həbs qətimkan tədbiri seçib.
Teymur Kərimov Cinayət Məcəlləsinin 182.2.2-ci (hədə-qorxu ilə tələb etmə, dəfələrlə törədildikdə) və 182.2.4-cü (başqasının külli miqdarda əmlakını ələ keçirmək məqsədilə hədə-qorxu ilə tələb etmə) maddələrilə təqsirli bilinib.
Teymur Kərimov ittihamları rədd edib və cinayət işini jurnalist fəaliyyətilə əlaqələndirib. – 03B06
Siyasət
-
Cümə günü ABŞ bəyan edib ki, Azərbaycan da daxil olmaqla, bir çox ölkəyə müraciət edərək antisemitizmə qarşı mübarizə səylərini birləşdirməyə çağıracaq, Turan-ın Vaşinqton müxbiri bildirib.
-
Bayden administrasiyasının aparıcı üzvləri gələn həftə Konqresin Xarici İşlər Komitəsi qarşısında oktyabrda keçiriləcək seçkilər ərəfəsində hər iki ölkədə ABŞ-ın siyasəti barədə ifadə verəcəklər, Turan-ın Vaşinqtondakı müxbiri bildirib.
-
Birləşmiş Ştatlar Azərbaycanda investisiya mühiti haqqında hesabat hazırlayır. Biznes mühiti haqqında əsaslı qərarlar qəbul etmək üçün bu hesabat həm ABŞ-ın vəzifəli şəxsləri, həm də investorlar tərəfindən geniş istifadə olunur, Turan-ın Vaşinqtondakı müxbiri bildirib.
-
Sentyabrın 1-də keçiriləcək Milli Məclisə növbədənkənar seçkilərdə deputatlığa namizəd olmaq üçün 806 nəfər dairə seçki komissiyalarına müraciət edib. Bu barədə Mərkəzi Seçki Komissiyasının (MSK) bugünki iclasında bu qurumun rəhbəri Məzahir Pənahov bildirib.
Rəy yaz