![Tofiq Yaqublunun işi üzrə istintaq yekunlaşıb](https://turan.az/resized/news/2024/WFpgGnQj6z4s8AgNNRtEBn2kFGPDZE63DSR5vfN1-750-500-resize.webp)
Tofiq Yaqublunun işi üzrə istintaq yekunlaşıb
Tofiq Yaqublunun işi üzrə istintaq yekunlaşıb
Mayın 15-də Müsavat Partiyasının və Demokratik Qüvvələrin Milli Şurasının üzvü Tofiq Yaqublunun barəsində cinayət işinin ibtidai istintaqı yekunlaşıb. Bu barədə Turan-a Tofiq Yaqublunun qızı Nigar Həzi bildirib.
«Mayın 15-də Tofiq Yaqublunun işi üzrə müstəntiq Abdulla Cəlilli bildirdi ki, istintaq rəsmən yekunlaşdı. Gələn həftə vəkillər Aqil Layıc və Nemət Kərimli istintaq materialları ilə tanış olacaqlar“, o deyib. Nigar Həzinin sözlərinə görə, Tofiq Yaqublu ittihamı qəbul etmir.
İstintaq orqanı isə ibtidai istintaqın yekunlaşdığını hələlik bildirməyib.
Tofiq Yaqublu 2023-cü il dekabrın 14-də dələduzluq, rəsmi sənədləri saxtalaşdırma və qanunsuz hazırlama, saxta sənədlərdən istifadə maddələrilə həbs edilib.
Tofiq Yaqublu bütün ittihamları saxta sayaraq rədd edib. Siyasətçi dəfələrlə cinayət və inzibati təqibə məruz qalıb. Beynəlxalq təşkilatlar onu vicdan məhbusu kimi tanıyıblar.
-
- Cəmiyyət
- 17 May 2024 15:31
Siyasət
-
Sentyabrın 1-də keçiriləcək növbədənkənar parlament seçkilərinin monitorinqinin aparılması üçün 30-a yaxın beynəlxalq təşkilata dəvət göndəriləcək. Bu barədə Mərkəzi Seçki Komissiyasının sədri Məzahir Pənahov qurumun bugünkü iclasında bildirib.
-
İyulun 2-də Azərbaycan ordusunun Baş Qərargah rəisi Kərim Vəliyev Azərbaycanda səfərdə olan NATO-nun Brunsumdakı Birləşmiş Qüvvələri Komandanlığının qərargah rəisinin müavini Stefan Fiks ilə görüşüb.
-
İyulun 2-də Bakı Apellyasiya Məhkəməsində "Kanal 13" İnternet- televiziyanın rəhbəri Əziz Orucovun həbs müddətinin uzadılmasından şikayətinə baxılıb. Şikayət Orucovun və bu KİV-in əməkdaşı Şamo Eminovun həbs müddətinin daha 3 ay, sentyabrın 27-dək uzadılması ilə bağlı Səbail Rayon Məhkəməsinin 25 iyun tarixli qərarından verilib.
-
İyulun 2-də Azərbaycanın müdafiə naziri Zakir Həsənov Belarusa gedib, Azərbaycan Müdafiə Nazirliyinin mətbuat xidməti bildirib.
Hakimiyyət seçkiöncəsi niyə qiymət artımı etdi? – Nəsimi Məmmədli Çətin sualda
Xəbər lenti
-
- Maliyyə,
- 11:00
- 323
Rəy yaz