Tofiq Yaqublunun məhkəməsi başlayıb
Tofiq Yaqublunun məhkəməsi başlayıb
İyunun 14-də Bakı Ağır Cinayətlər Məhkəməsində Tofiq Yaqublunun işi üzrə hazırlıq iclası başlayıb.
İclas zamanı Yaqublu günahsız olduğunu və cinayət işinin saxtalaşdırıldığını bildirib. O deyib ki, siyasi motivlərlə həbs edilib və onun cinayət təqibilə bağlı sifariş "birbaşa İlham Əliyevdən gəlib".
Siyasətçinin sözlərinə görə, iş kobud şəkildə saxtalaşdırılıb. Ona aid edilən hüquqazidd hərəkətlərin tarixləri onun oduğu yer ilə uygun gəlmir. Belə ki, həmin tarixlərdə Yaqublu Türkiyədə olub.
Daha sonra siyasətçi hakimlərdən birinə, Azər Tağıyevə etiraz edib. Yaqublu bunu Tağıyevin siyasi məhbuslara qarşı proseslərdə iştirak etməsi və ABŞ Konqresinin sanksiya siyahısına düşməsi ilə izah edib.
Müdafiə tərəfi Yaqublunun vəkillərin yanında oturmasına və iştirak etmək istəyənlərin sayının çox olduğunu nəzərə alaraq, prosesin daha geniş zala keçirilməsinə icazə verilməsini xahiş edib.
Məhkəmə bildirib ki, növbəti iclasdan Yaqublunun vəkillərin yanında oturmasına icazə veriləcək. İclasların böyük zalda keçirilməsi məsələsinə də baxılacaq.
İclas zamanı Yaqublu beynəlxalq ictimaiyyəti Bakıda COP29-u boykot etməyə çağıran plakat qaldırıb.
Müdafiə tərəfi cinayət işinə xitam verilməsini, ya da Yaqublunun ev dustaqlığına buraxılmasını xahiş edib. Lakin məhkəmə vəsatəti təmin etməyib və dinləmələri iyunun 20-nə təyin edib.
Xatırladaq ki, Tofiq Yaqublu 14 dekabr 2023-cü ildə dələduzluq, rəsmi sənədlərin saxtalaşdırılması və qanunsuz hazırlanması, saxta sənədlərdən istifadə ittihamı ilə həbs edilib.
Tofiq Yaqublu ittihamları uydurma adlandırıb. Əvvəllər də siyasətçi dəfələrlə cinayət və inzibati təqibə məruz qalıb. Beynəlxalq təşkilatlar onu vicdan məhbusu kimi tanıyıblar.
Rəy yaz
-
- Siyasət
- 14 İyun 2024 15:37
Siyasət
-
Həbsxanada 71 gündür aclıq edən ictimai fəal, I qrup əlil Famil Xəlilovun səhhəti ağır olaraq qalır. Bu barədə onun həyat yoldaşı Kiçikxanım Xəlilova bildirib.
-
Çərşənbə axşamı Birləşmiş Ştatlar bildirib ki, KXDR-in müharibədə Rusiyanın tərəfində iştirak etmək üçün əsgər göndərməsi haqqında məlumatları "araşdırmağa davam edir". "KXDR-in əsgərlərinin Putinin Ukraynaya qarşı müharibəsinə qoşulacağı doğrudursa, bu, təhlükəli və həddindən artıq narahatedici hadisə olacaq", bu barədə Dövlət Departamentinin mətbuat katibinin müavini Vedant Patel brifinqdə bildirib.
-
Azərbaycanın energetika naziri Pərviz Şahbazov "X" sosial şəbəkəsindəki hesabında Çinin Çindau şəhərində "Kəmər və Yol" nazirlər konfransında iranlı həmkarı ilə görüşü haqqında məlumat paylaşıb.
-
Çərşənbə axşamı baş nazir Nikol Paşinyan Yerevanda ABŞ Milli Təhlükəsizlik Şurasının Avropa üzrə baş direktoru Maykl Karpenter və Dövlət Departamentinin xüsusi nümayəndəsi Luis Bononu qəbul edib.
Qarabağın bərpası üçün ayrılan vəsaitlərin xərclənməsində şəffaflıq varmı? – Akif Nəsirli Çətin sualda
Xəbər lenti
-
- Cəmiyyət,
- 14:05
- 195
1 rəy
Ruslan
2024-06-14
Подавляя свободу слово в стране власть имущих продлевает свою узурпацию власти как могут люди погрязшие в коррупции во лжи в лицемерии в воровстве во взятках заботится о гражданах страны ?? никак эти люди уже продали страну и предали граждан страны но красиво вещать лапшу на уши народу они мастера...