Azərbaycanda rəsmi səfərdə olan ABŞ dövlət katibinin demokratiya, insan hüquqları və əmək məsələləri üzrə müşaviri Tomas Melia bu gün “Respublika alternativi” (REAL) vətəndaş hərəkatının ofisinə baş çəkib. O, hərəkatın həbsdə olan lideri İlqar Məmmədovun ailə üzvləri və REAL-ın icraçı katibi Natiq Cəfərli ilə görüşüb.
T.Melia qeyd edib ki, Vaşinqton İ.Məmmədovun işini diqqətlə izləyir. Amerikalı diplomat onun vəziyyəti, istintaqın gedişi ilə maraqlanıb, İ.Məmmədovu dəstəklədiyini bildirib.
Öz növbəsində N.Cəfərli İ.Məmmədovun və siyasi motivlərlə həbs olunmuş digər fəalların işi barədə T.Meliaya məlumat verib.
Qeyri-rəsmi məlumata görə, T.Melia Bakı təcridxanasında İ.Məmmədovla görüşmək istəyib, lakin hakimiyyət ona bu şəraiti yaratmayıb.
İlqar Məmmədov 23-24 yanvar İsmayıllı iğtişaşlarının təşkilində ittiham olunur. Ona qarşı
CM-in 233-cü (ictimai qaydanın pozulmasına səbəb olan hərəkətləri təşkil etmə və ya bu cür hərəkətlərdə fəal iştirak etmə) və 315.2-ci (hakimiyyət nümayəndəsinə zor tətbiq etmə və ya müqavimət göstərmə) maddələri ilə ittiham irəli sürülüb. -16D-
Siyasət
-
Azərbaycan Prezidenti İlham Əliyev cümə axşamı 2005-ci ildə təsdiq edilmiş məxfi məlumatların siyahısına dəyişiklik edilməsi ilə bağlı fərman imzalayıb. Dəyişikliklər, Azərbaycan Respublikasının Milli Məclisi tərəfindən 22 dekabr 2023-cü ildə qəbul edilmiş “Mühasibat uçotu haqqında” və “Dövlət sirri haqqında” qanunlara edilən düzəlişlərə uyğundur.
-
Yanvarın 23-də Bakı Apellyasiya Məhkəməsi hakim Zamin İbrahimovun sədrliyi ilə “Meydan TV”nin jurnalisti Natiq Cavadlı barədə seçilmiş həbs qətimkan tədbirnin ev dustaqlığı imkan tədbiri ilə əvəz edilməsi barədə vəsatətin təmin edilməməsi barədə Xətai Rayon Məhkəməsinin qərarından verilən şikayəti təmin etməyib. Məhkəmə jurnalisti həbsdə saxlayıb.
-
Yanvarın 23-də Azərbaycan SQ-nin Quru Qoşunları komandanının müavini general-mayor İlqar Lətifov ölkəmizdə rəsmi səfərdə olan Pakistan Silahlı Qüvvələrinin Hərbi Əməliyyatlar üzrə Baş Direktoru general-mayor Abdulla Kəşifin rəhbərlik etdiyi nümayəndə heyəti ilə görüşüb.
-
2025-ci ilin Azərbaycanda "Konstitusiya və Suverenlik İli" elan edilməsi hakimiyyətin bu il konstitusiya referendumu keçirmək planları haqqında şaiyə və təxminlərə səbəb olub.
Rəy yaz