Torontoda ermənilərin azərbaycanlılara hücumu

Bakı/03.08.20/Turan: Avqustun 2-nə keçən gecə Toronto erməni icmasının nümayəndələri soyuq və odlu silahla iki azərbaycanlıya hücum ediblər, bu barədə Azərbaycanın Kanadadakı səfirliyinin məlumatında deyilir.

“Bir qrup erməninin hücumuna müqavimət göstərən iki soydaşımız müəyyən dərəcəli xəsarətlər almışlar. Soydaşlarımızın vəziyyəti hazırda sabitdir, bir soydaşımız xəstəxanadadır”, deyə məlumatda bildirilir.

Polis zərərçəkmişlərdən ifadə alıb və hücum edən ermənilərin yerini müəyyən edib.

Azərbaycan səfirliyi Kanadanın müvafiq orqanları ilə məsələni nəzarətdə saxlayır.

Ermənilərin azərbaycanlılara hücumları 12-16 iyul tarixlərində Ermənistan-Azərbaycan sərhədində vəziyyətin gərginləşməsindən sonra başlayıb.

Los-Anceles, Brüssel və Avropanın bir sıra digər şəhərlərində azərbaycanlılara qarşı böyük zorakılıq aktları törədilib.

Eyni zamanda, Moskva da azərbaycanlılar və ermənilər arasında qarşıdurmalar olub. -05D06-