Transparency International Leyla və Arif Yunusların məhkəməsinin ədalətli keçirilməsinə çağırıb
Korrupsiyaya qarşı qlobal koalisiya Transparency International Sülh və Demokratiya İnstitutunun direktoru Leyla Yunus və onun həyat yoldaşı Arif Yunusun işi üzrə ədalətli və şəffaf məhkəmə prosesinin keçirilməsinə çağırıb.
“Leyla Yunusun məhkəməsinin onun hüquq-müdafiə fəaliyyəti ilə əlaqədar olması barədə narahatlıq var. L.Yunusun və onun həyat yoldaşının səhhətini nəzərə alaraq onlar məhkəmə müddətində həbsdə olmamaldırlar.
Hakimiyyət vətəndaşların hüquqlarına hörmətlə yanaşmalıdır”, - Transparency International-ın vitse-sədri Yelena Panfilova bildirib.
İbtidai məhkəmə iclası iyulun 15-də Bakı Ağır Cinayətlər Məhkəməsində keçirilib.
L.Yunus 2014-cü il iyulun 30-da, A.Yunus isə avqustun 5-də həbs olunub. Cütlük küllü miqdarda dələduzluqda (178.3.2-ci maddə) ittiham olunurlar. Dələduzluq maddəsi ağır maddədir və onları 12 ilədək həbs təhlükəsi gözləyir.
Bundan əlavə, L.Yunus qanunsuz sahibkarlıq fəaliyyətində (192.2.2-ci maddə), vergi ödənişindən yayınma (maddə 213.2.2), sənədlərin saxtalaşdırılmasında (320.1 və 320.2) ittiham olunur.
İbtidai istintaqın yekunlarına görə, hər ikisinə qarşı 274-cü maddə (dövlətə xəyanət) üzrə ittiham ayrıca icraata götürülüb.
Amnesty İnternational Yunuslar cütlüyünü “vicdan məhbusu” kimi tanıyıb.—0—
-
- Cəmiyyət
- 15 İyul 2015 14:54
-
- İqtisadiyyat
- 15 İyul 2015 15:02
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz