![Qiymətli kağızlar bazarı yeni qayda ilə işləyəcək](https://turan.az/resized/./turan-750-500-resize.webp)
Qiymətli kağızlar bazarı yeni qayda ilə işləyəcək
“Qiymətli kağızlar bazarı haqqında” qanunun tətbiqinə başlanılır.
Diler və brokerlər vahid – investisiya fəaliyyəti lisenziyası alacaq. İnvestisiya şirkətlərinin fəaliyyəti üçün lisenziyada bu lisenziyanın sahibinin göstərə biləcəyi əsas və yardımçı xidmətlər qeyd ediləcək.
Əsas investisiya xidmətlərinə qiymətli kağızlar və ya törəmə maliyyə alətləri ilə aparılan əməliyyatlarla bağlı müştəri sifarişlərinin qəbul və icra edilməsi, fərdi investorların portfelinin idarə edilməsi, investisiya məsləhətlərinin verilməsi, qiymətli kağızların yerləşdirilməsi və anderraytinqi, mərkəzi depozitarın və fond birjasının üzvü qismində öz hesabına qiymətli kağızlar və ya törəmə maliyyə alətləri ilə əməliyyatlar aparılması daxildir.
Yardımçı xidmətlər müştərilərin hesablarının idarə olunması, investorlara qiymətli kağızlar və ya törəmə maliyyə alətləri ilə həyata keçirdiyi əqdlərin bağlanması üçün kredit və ya digər formada borc verilməsi, qiymətli kağızlar və ya törəmə maliyyə alətləri ilə bağlı investisiya tədqiqatı və maliyyə təhlilinin aparılması, təmin edilmiş istiqrazlar üzrə təminatın sərəncamçısı xidmətinin həyata keçirilməsi, əsas investisiya xidmətlərinin həyata keçirilməsi ilə bağlı xarici valyuta mübadiləsidir.
Qanuna əsasən, investisiya şirkətlərinin fəaliyyət lisenziyası müddətsiz olacaq (indiyədək broker və diler fəaliyyətinə lisenziyalar 5 il müddətinə verilirdi).
Ynvarın 1-dək bütün diler və brokerlər öz fəaliyyətini yeni qanuna uyğunlaşdırmalıdır.
QKDK-də 12 broker fəaliyyəti, 13 diler fəaliyyəti, 2 qiymətli kağız sahiblərinin reyestrinin aparılması lisenziyası qeydiyyata alınıb. --17D—
-
- İqtisadiyyat
- 15 İyul 2015 16:04
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz