Açiq mənbələrdən foto.
Bakı/16.06.23/Turan: Bu gün Azərbaycan prezidenti İlham Əliyev "Tuğ” Dövlət Tarix-Memarlıq və Təbiət Qoruğunun yaradılması haqqında" sərəncam imzalayıb.
Dövlət başçısı Nazirlər Kabinetinə tapşırıb ki, iki ay müddətində qoruğun və mühafizə zonasının sərhədlərini müəyyənləşdirsin və təsdiq etsin, qoruğun ərazisində xüsusi rejimi müəyyən etsin, qoruğun maddi-texniki təminatı ilə bağlı lazımi tədbirləri həyata keçirsin.
Qoruğun idarə edilməsi Dövlət Turizm Agentliyinə həvalə edilib. Qeyd edək ki, Tuğ kəndi Azərbaycanın Xocavənd rayonunda (əvvəllər Hadrut rayonuna daxil olan hissədə) yerləşir. 1991-ci ilin oktyabrında Tuğun azərbaycanlı əhalisi kənddən qovulub və kənd separatçı rejimin nəzarəti altına düşüb.
2020-ci ilin noyabrında Azərbaycan ordusu kəndi azad edib. 06B
Siyasət
-
Yanvarın 23-də Bakının Xətai Rayon Məhkəməsi Meydan TV-nin jurnalisti Aytac Tapdığın ev dustaqlığına köçürülməsi haqqında vəsatəti təmin etməyib. Bu barədə Turan-a vəkil Cavad Cavadov bildirib.
-
Azərbaycan, İran və Rusiya nəqliyyat nazirlərinin növbəti üçtərəfli görüşü yanvarın 28-də Moskvada keçiriləcək. Bu barədə İranın yollar və şəhərsalma naziri Fərzanə Sadiq İran-Azərbaycan Birgə İqtisadi Komissiyasının Tehranda keçirilən 16-cı iclasında bildirib.
-
Yanvarın 22-də Gəncə Ağır Cinayətlər Məhkəməsində dunyaninsesi.az saytının təsisçisi Ərşad İbrahimov hədə-qorxu yolu ilə tələb etməkdə təqsirli bilinərək 8 il müddətinə azadlıqdan məhrum edilib.
-
Yanvarın 22-də Bakı Apellyasiya Məhməkəməsində hakim Emin Əliyevin sədrliyi ilə Toplum TV nəşrinin əməkdaşı Əli Zeynalovun həbs müddətinin uzadılmasından verilmiş şikayətə baxılıb. Şikayət təmin edilməyib, bu barədə Turan-a vəkil Fariz Namazlı bildirib.
Rəy yaz