Açiq mənbələrdən foto.
Bakı/06.01.22/Turan: Türk Dövlətləri Təşkilatı Qazaxıstan xalqına və hökumətinə dəstək verməyə hazır olduğunu bildirib.
Təşkilatın bəyanatında deyilir ki, üzv ölkələr qazax xalqının sağlam düşüncəsinə güvənir və bu ölkədə vəziyyətin tezliklə normallaşacağına əminlik ifadə edirlər.
“Qazaxıstan hakimiyyətinin sülhsevər şəkildə gərginliyi arxada qoymaya, sabitlik və əmin-amanlığı bərpa etməyə qadir olduğuna inanırıq. Qazaxıstan hökumətinə və xalqına lazımi dəstəyi verməyə hazır olduğumuzu bildiririk” - bəyanatda deyilir.
Qazaxıstan Azərbaycan, Türkiyə, Qırğızıstan və Özbəkistanla yanaşı, Türk Dövlətləri Təşkilatının tərkibinə daxildir. Türkmənistan və Macarıstan müşahidəçi ölkələrdir.
Türkdilli Dövlətlərin Əməkdaşlıq Şurası 2009-cu ildə yaradılıb və 2021-ci ilin noyabrında İstanbul sammitinin yekunlarına əsasən yenidən adlandırılıb.-02D-
Siyasət
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
-
Türkiyənin “Sabah” qəzetinin məlumatına görə, İstanbul prokurorluğunun Qaçaqmalçılığa Qarşı Mübarizə İdarəsinin əməkdaşları Azərbaycan vətəndaşını böyük miqdarda qızılla saxlayıblar.
Rəy yaz