Türkiyə ölkəyə gələn hər kəsin barmaq izini götürəcək
Türkiyə hakimiyyəti ölkəyə gələn hər kəsin barmaq izini götürmək barədə qərar verib. Bu barədə "Sabah" nəşri ölkənin daxili işlər naziri Ali Yerlikayaya istinadla xəbər yayıb. Lakin bu qərarın hansı tarixdən etibarən tətbiq ediləcəyi açıqlanmayıb.
"Nazir bildirib ki, ABŞ və Böyük Britaniyada olduğu kimi, Türkiyəyə gələrkən də barmaq izi götürüləcək", deyə nəşr yazıb.
DİN başçısının sözlərinə görə, bu yenilik ölkədə müvəqqəti qorunma statusu alanlara da şamil olunacaq. Onların şəxsiyyət vəsiqələri çiplərlə təchiz olunacaq. Yerlikaya iddia edir ki, bu gün Türkiyədə dörd milyon yarımdan çox mühacir qeydiyyatdadır. Onların üç milyondan çoxu Suriya vətəndaşıdır.
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz