Ankara/21.01.15/Turan: Türkiyə parlamenti çərşənbə günü gecə iclasında korrupsiya qalmaqalından sonra vəzifəsindən kənarlaşdırılan dörd keçmiş nazirin işini məhkəməyə verməkdən imtina edib.
2013-cü il dekabrın ortalarında Türkiyə polisi onlarla adamı - biznesmen, yüksək rütbəli şəxsləri maxinasiya və rüşvətxorluqda şübhəli bilərək həbs edib.
Korrupsiyada ittiham olunan dörd nazir istefa verib. Ötən ilin sentyabrında İstanbul Baş Prokurorluğu qərara alıb ki, ölkə prezidenti Bilal Ərdoğan da daxil olmaqla 96 müttəhimin barəsində cinayət təqibləri üçün əsas yoxdur.
Oktyabrda daha 53 şübhəlinin barəsində cinayət işi dayandırılıb.
Türkiyə parlamenti bu gecə keçmiş daxili işlər naziri Müəmmər Gülər, Aİ işləri üzrə nazir Egemen Bağış, iqtisadiyyat naziri Zəfər Çağlayan və ətraf mühit və şəhərsalma naziri Erdoğan Bayraqdarın barəsində parlament komissiyasının hesabatına baxıb.
Gizli səsvermə zamanı böyük səs çoxluğu
ilə deputatlar komissiyanın rəyini dinləyərək işlərin Ali Məhkəmə Şurasına verilməsinə qarşı olublar.
Türkiyə parlamentinin müxalifət partiyalarının liderləri işlərin məhkəməyə verilməsinə tərəfdar olublar. Lakin deputatların əksəriyyəti - hakim Ədalət və İnkişaf Partiyasının nümayəndələri bunun əleyhinə olublar.-02D-
Siyasət
-
Hüquq Müdafiə Təşkilatları Monitorinq Qrupunun üzvləri Novella Cəfəroğlu, Səidə Qocamanlı və Səadət Bənanyarlı Jurnalist Şahnaz Bəylərqızının səhhətində mövcüd olan problemlər ilə bağlı narahatlıq bildirərək ,Azərbaycan Respublikasının Prezidenti İlham Əliyevə müraciət edib.
-
Cümə günü, fevralın 7-də Aktauda 25 dekabr 2024-cü il tarixində Azerbaijan Airlines-ın (AZAL) təyyarə qəzasında həlak olanların xatirəsinə həsr olunmuş anım mərasimi keçirilib, xəbəri Tengrinews.kz yayıb.
-
Fevralın 7-də Bakı Apellyasiya Məhkəməsində ictimai fəal Cəlal Cavadovun inzibati qaydada həbsindən verilmiş şikayətə baxılıb.
-
Fevralın 7-də Bakı Məhkəmə Kompleksində Qarabağ separatmılarının liderlərinin işi üzrə proses dava etdirilib. İclasda ittiham aktının oxunması davam etdirilib.
Rəy yaz