Bakı/26.02.20/Turan: Fevralın 25-də Bakıda Azərbaycan və Türkiyə prezidentləri arasında keçirilən danışıqlar zamanı əldə olunan razılaşmalardan biri fevralın 26-da Türkiyə və Azərbaycanın Naxçıvan Muxtar Respublikası arasında nəqliyyat və adamların hərəkəti üçün sərhəddin açılması olub.
Azərbaycan Dövlət Sərhəd Xidmətinin məlumatında bildirilir ki, çərşənbə günü saat 15:10-da sərhəd açılıb.
Qeyd edək ki, Türkiyə tərəfi koronavirusun yayılma təhlükəsi ilə sərhəddi bağlamışdı. İran tərəfdən də sərhəddin bağlanması ilə əlaqədar bu, Naxçıvan əhalisini çətin vəziyyətə salmışdı.-02D-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz