Türkiyədə 27 mindən çox təhsil işçisi işdən kənarlaşdırılıb

Türkiyə təhsil sahəsində 27,4 min nəfərin iş üçün icazəsini ləğv edib. Bu barədə Reuters təhsil naziri İsmət Yılmaza istinadən bildirib.

Bundan öncə 15,2 min əməkdaşın işdən kənarlaşdırıldığı bildirilib.

“Təhsil müəssisələrində və məktəblərdə çalışan 27 424 əməkdaşın iş üçün icazəsi “paralel dövlət strukturu” çərçivəsində ləğv edilib”, - o bildirib və açıqlama verib ki, həmin şəxslər yenidən dövlət və ya özəl təhsil ocaqlarına işə buraxılmayacaqlar.

“Paralel struktur” dövlət müəssisələrində din xadimi Fətullah Gülənin ardıcıllarının müəyyən edilməsi üçün türkiyəli hökumət məmurlarının işlətdiyi termindir. Ankara iyulun 16-na keçən gecə Türkiyədə baş vermiş qiyamın təşkilatçısı kimi məhz onu görür.

Dövlət çevrilişinə cəhddən sonra 25 mindən çox adam saxlanılıb, o cümlədən 13 min nəfər həbs edilib. 74 min nəfərin pasportu ləğv edilib.02D-