Türkiyədə 4 nazirlə bağlı araşdırma başladı

İstanbul baş prokurorluğu dekabrın 17-də aparılan korrupsiya və rüşvətlə bağlı saxlanmalara dair sənədlərin Zekeriyya Özdən alınaraq, Baş prokuror Turan Çolakkadıya verildiyini iddia edir.

Üç nazir oğlu və iş adamlarının da aralarında olduğu çox sayda şübhəlinin saxlanması ilə bağlı araşdırmanı İstanbul Baş prokuroru Turan Çolakkadının özünün əlaəqləndirəcəyi bildirilib. 

Türkiyəni sarsıdan bu əməliyyatda rüşvətlə bağlı daha bir nazirin 1.5 milyon dollar rüşvət alarkən çəkilən görüntülərilə bağlı araşdırma materialları hazırlanır. Prokurorluğun 4 nazir haqqında 4 ayrı mateiral hazırlaması da iddialar arasında yer alır. İddiaya görə, 3 nazir haqqında sənədləri Celal Kara, 1 nazir haqqında sənədləri Mehmet Yüzgeç hazırlayır. 

Həbslərlə bağlı dekabrın 18-də prokurorluq qanun və vəzifə borcları ilə bağlı daxili nizam çərçivəsində həqiqətlərin ortaya çıxarılması və qanunun tələblərinə uyğun çalışaraq, yanlış mənalara səbəb verməmək və xalqı bilgiləndirmək üçün bu açıqlamanı verdiyini bildirir. -05D-