Bakı/18.07.18/Turan: Türkiyədə 2016-cı il iyulun 20-də dövlət çevrilişi cəhdindən sonra hakimiyyətin tətbiq etdiyi fövqəladə hal iyulun 18-dən ləğv edilib. Eyni zamanda, Türkiyə hakimiyyəti "terrorizmə qarşı mübarizənin davam edəcəyini və lazımi qanunların qəbul ediləcəyini" bildirib. Belə ki, parlamentə FH rejiminin ləğvindən sonrakı dövr üçün tədbirlər layihəsi verilib.
Layihədə ayrı-ayrı vətəndaşların "ictimai asayişi pozması" şübhəsi yarandıqda, onların bəzi əyalətlərə girişinin məhdudlaşdırılmasını nəzərdə tutur. Bundan başqa, nümayişlərin qadağan edilməsi üçün əsasların siyahısı genişləndirilib.
Türkiyədə FH rejiminin qüvvədə olduğu iki il ərzində, Türkiyənin Bianet informasiya agentliyinin məlumatına görə, 228 mindən çox insan dövlət çevrilişinə cəhddə iştirak etməkdə şübhəli bilinərək həbs edilib, 134 mindən çox dövlət məmuru işdən azad edilib, 17 089 sosial şəbəkə istifadəçisi barəsində terror təşkilatlarının təbliği və ya ədavət salma ittiahmı ilə iş açılıb, 174 KİV, 1414 QTT, 145 fond, 15 universitet və 19 həmkarlar ittifaqı bağlanıb. -02D-
Siyasət
-
Almaniyanın xarici işlər naziri Annalena Berbok noyabrın 22-də axşam Turan agentliyinin ofisində Azərbaycanın vətəndaş cəmiyyətinin nümayəndələri ilə görüş keçirib.
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
Rəy yaz