Türkiyənin baş naziri Əhməd Davudoğlu hökuməti formalaşdırmaq cəhdinin baş tutmaması barədə ölkə prezidenti Rəcəp Tayyip Ərdoğana məlumat verib. Türkiyə parlamentinə vaxtından əvvəl seçkilər 2015-ci ilin payızında keçirilə bilər.
Avqustun 18-də Prezident Administrasiyası bildirib ki, bütün səylərə baxmayaraq, Ə.Davudoğlu yeni Nazirlər Kabinetini toplamaq iqtidarında olmayıb.
İyunun əvvəllərində keçirilən seçkilərin yekunlarına görə, islamçı Ədalət və İnkişaf Partiyası (AKP) parlamentdə mütləq səs çoxluğunu itirib.
İyulun 9-da R.T.Ərdoğan baş nazirə yeni hökuməti formalaşdırmağı tapşırıb. Türkiyə Nazirlər Kabinetinin yaradılması müddəti avqustun 23-də bitir. Əgər bu vaxta qədər hökumət qurulmasa, ölkədə ilk dəfə olaraq vaxtından əvvəl parlament seçkiləri elan ediləcək. Çox güman ki, seçkilər 2015-ci ilin noyabrnda olacaq, Reuters bildirib.
Belə olan halda R.T.Ərdoğan Ə.Davudoğlunun rəhbərlik etdiyi Nazirlər Kabinetini istefaya göndərməyə və müvəqqəti həkuməti təyin etməyə məcbur olacaq. -02D-
Siyasət
-
Rusiya və İran prezidentləri Vladimir Putin və Məsud Pezeşkian yanvarın 17-də Moskvada danışıqlar aparacaqlar və mətbuata açıqlama verəcəklər, bu barədə Kremlin mətbuat xidməti məlumat yayıb.
-
Yanvarın 13-də Bakı Ağır Cinayətlər Məhkəməsində hakim Aygün Qurbanovanın sədrliyi ilə ictimai fəal Nicat İbrahimin cinayət işi üzrə məhkəmənin hazırlıq iclasında Nicat İbrahim "qanunsuz" həbsinə və məhkəmənin gedişinə etiraz olaraq məhkəmə zalında saxlanıldığı şüşə qəfəsə başı ilə zərbələr endirərək intihara cəhd edib.
-
Beynəlxalq Narahat Alimlər Komitəsi həbs edilmiş tədqiqatçı İqbal Əbilovun azad edilməsinə köməklik göstərmək xahişi ilə Azərbaycan prezidenti İlham Əliyevə müraciət edib.
-
Gürcüstanın XİN başçısı Maka Boçorişvili dünən Azərbaycanın Gürcüstandakı səfiri Faiq Quliyevlə görüşüb.
Rəy yaz